കണ്ടെത്തിയതില്‍ വച്ച് ഏറ്റവും വലിയ ജെല്ലി ഫിഷ് കരയ്ക്കടിഞ്ഞു
First Published Aug 5, 2021, 2:10 PM ISTപടിഞ്ഞാറന്‍ അയര്‍ലന്‍റിലെ ഫാനോര്‍ കടല്‍ത്തീരത്തടിഞ്ഞ ഭീമാകാരമായ ജീവിയെ കണ്ടവര്‍ ആദ്യമൊന്ന് അമ്പരന്നു. എന്നാല്‍, മുന്നിലുള്ളത് ലോകത്തിലെ കണ്ടത്തിയതില്‍ വച്ച് ഏറ്റവും വലിയ ജല്ലിഫിഷാണെന്ന് തിരിച്ചറിഞ്ഞപ്പോള്‍ നവാതിഥിയെ കാണാന്‍ നിരവധി പേര്‍ ഒത്തുകൂടി. ' ബറൻ ഷോറുകൾ - ഫാനോർ ബീച്ചിലെ ബീച്ച്‌കോംബിങ്ങും മറ്റും ' എന്ന സമൂഹമാധ്യമ പേജിൽ പങ്കുവച്ച കൂറ്റൻ ജല്ലിഫിഷിന്‍റെ ചിത്രങ്ങളാണ് ഇപ്പോൾ യൂറോപ്പിലെ സമൂഹമാധ്യമ പേജുകളിലെ താരം. ജൂലൈ മാസം ആദ്യമാണ് വെസ്റ്റേൺ അയർലൻഡിലെ ഫാനോർ കടൽത്തീരത്ത് ചുവപ്പും തവിട്ടും നിറങ്ങളുള്ള വലിയ ജെല്ലിഫിഷിനെ കണ്ടെത്തിയത്. 2021 ലെ ജെല്ലിഫിഷ് സീസണില്‍ നല്ല തുടക്കമാണിതെന്ന് ' ബറൻ ഷോറുകൾ' എന്ന ഫേസ്ബുക്ക് പേജ് പറയുന്നു. കാരണം സീസണില്‍ ആദ്യം കണ്ടത് തന്നെ ഇതുവരെ കണ്ടെത്തിയതില്‍ വച്ച് ഏറ്റവും വലിയ ജെല്ലിഫിഷാണ്.