ഞങ്ങളിപ്പോള് ഇങ്ങനെയാണ് ഉണരാറ്; കുഞ്ഞ് ഇസാനറെ ചിത്രം പങ്കുവെച്ച് സാനിയ
First Published May 9, 2020, 8:14 PM ISTഹൈദരാബാദ്: ലോക്ഡൗണ് കാലത്ത് കുടുംബത്തോടൊപ്പം ചെലവഴിക്കാന് ലഭിച്ച അപൂര്വ അവസരം ആസ്വദിച്ച് കായികതാരങ്ങളെല്ലാം വീട്ടില് ഒതുങ്ങിക്കൂടി കഴിയുകയാണിപ്പോള്. വീട്ടിലാണെങ്കിലും സമൂഹമാധ്യമങ്ങളിലൂടെ ആരാധകരുമായി എപ്പോഴും ബന്ധം നിലനിര്ത്താന് അവര് പ്രത്യേകം ശ്രദ്ധിക്കുന്നുമുണ്ട്. ആരാധകരുടെ ചോദ്യങ്ങള്ക്ക് മറുപടി പറഞ്ഞും, സഹതാരങ്ങളോട് ലൈവില് സംസാരിച്ചുമെല്ലാം ആരാധകമനസിലെ സ്നേഹം നിലനിര്ത്താനാണ് കായിക താരങ്ങള് ശ്രമിക്കുന്നത്. ഇന്ത്യന് ടെന്നീസ് താരം സാനിയ മിര്സയും ഇതില് നിന്ന് വ്യത്യസ്തയല്ല. കളിക്കാരുടെ ഭാര്യമാരെക്കുറിച്ച് കഴിഞ്ഞ ദിവസം ഇന്ത്യന് വനിതാ ക്രിക്കറ്റ് താരങ്ങളായ ജമീമ റോഡ്രിഗസിനോടും സ്മൃതി മന്ദാനയോടും മനസുതുറന്ന സാനിയ ഇന്ന് മകന് ഇസാന് മിര്സയുടെ ചിത്രമാണ് ആരാധകരുമായി പങ്കുവെച്ചിരിക്കുന്നത്.