നിയന്ത്രണങ്ങള്ക്ക് ഇളവ് നല്കിയ ദുബായിലെ നൈഫില് ആഘോഷങ്ങളുമായി ജനങ്ങള് തെരുവിലിറങ്ങിയപ്പോള് - ചിത്രങ്ങള്
ദുബായിലെ നൈഫ് മലയാളികള്ക്ക് പോലും സുപരിചിതമായ പേരാണിപ്പോള്. കേരളത്തില് കൊവിഡ് സ്ഥീരികരിച്ച നിരവധിപ്പേര് ഇവിടെ നിന്ന് എത്തിയവരായിരുന്നു. എന്നാല് പിന്നീട് ദുബായ് ഭരണകൂടം ഇവിടെ വന്തോതിലുള്ള പ്രതിരോധ പ്രവര്ത്തനങ്ങള്ക്ക് തുടക്കം കുറിച്ചു. ആഴ്ചകളോളം ഈ പ്രദേശം അടച്ചിട്ട് അണുവിമുക്തമാക്കി. പ്രദേശത്തെ ഓരോരുത്തരെയും പരിശോധിച്ച് രോഗമുള്ളവരെ നിരീക്ഷണ കേന്ദ്രങ്ങളിലേക്കും ആശുപത്രികളിലേക്കും മാറ്റി. തുടര്ന്ന് സ്ഥിതിഗതികള് പൂര്ണമായി നിയന്ത്രണവിധേയമാകുന്നതാണ് പിന്നീട് കണ്ടത്. ദിവസങ്ങളായി ഇവിടെ നിന്ന് ഒരു കൊവിഡ് കേസ് പോലും ഇപ്പോള് റിപ്പോര്ട്ട് ചെയ്യപ്പെടുന്നില്ല.
കൊവിഡ് പടര്ന്നുപിടിച്ച നൈഫില് അഴ്ചകള് നീണ്ടുനിന്ന നിയന്ത്രണങ്ങള് പിന്വലിച്ചതിനെ തുടര്ന്ന് ഞായറാഴ്ച ജനങ്ങള് ആഘോഷവുമായി തെരുവിലിറങ്ങി. സുരക്ഷാ ഉദ്യോഗസ്ഥരും ആഘോഷങ്ങളില് പങ്കുചേര്ന്നു. പൊലീസ് വാഹനങ്ങളടക്കം നിരവധി വാഹനങ്ങളാണ് നൈഫിലെ റോഡുകളില് ഘോഷയാത്രയായി അണിനിരന്നത്. നിരവധി പേര്ക്ക് കൊവിഡ് സ്ഥിരീകരിച്ചിന് പിന്നാലെ വന്തോതിലുള്ള പരിശോധനകളാണ് ഇവിടെ നടന്നത്. ഈ പ്രദേശം ഒന്നടങ്കം ദുബായ് ഭരണകൂടം അണുവിമുക്തമാക്കിയിരുന്നു.
കൊവിഡ് പടര്ന്നുപിടിച്ച നൈഫില് അഴ്ചകള് നീണ്ടുനിന്ന നിയന്ത്രണങ്ങള് പിന്വലിച്ചതിനെ തുടര്ന്ന് ഞായറാഴ്ച ജനങ്ങള് ആഘോഷവുമായി തെരുവിലിറങ്ങി. സുരക്ഷാ ഉദ്യോഗസ്ഥരും ആഘോഷങ്ങളില് പങ്കുചേര്ന്നു. പൊലീസ് വാഹനങ്ങളടക്കം നിരവധി വാഹനങ്ങളാണ് നൈഫിലെ റോഡുകളില് ഘോഷയാത്രയായി അണിനിരന്നത്. നിരവധി പേര്ക്ക് കൊവിഡ് സ്ഥിരീകരിച്ചിന് പിന്നാലെ വന്തോതിലുള്ള പരിശോധനകളാണ് ഇവിടെ നടന്നത്. ഈ പ്രദേശം ഒന്നടങ്കം ദുബായ് ഭരണകൂടം അണുവിമുക്തമാക്കിയിരുന്നു.