'ഭായി ഭായി' അല്ല; ഡാറ്റ ചോര്ത്താന് ചൈനീസ് ആപ്പുകള്
'ഹിന്ദി ചീനി - ഭായി ഭായി' എന്നായിരുന്നു നെഹ്റൂവിയന് കാലം മുതല് ഇന്ത്യ ചൈനയേക്കുറിച്ച് പറഞ്ഞിരുന്നത്. എന്നാല്, ഇന്ത്യന് ഇന്റലിജന്സ് ഏജന്സികള് പറയുന്നത് ഇന്ത്യയെത്ര ഭായി ഭായി പറഞ്ഞാലും ചൈനീസ് ആപ്പുകള് അത് പറയില്ലെന്നാണ്. ഇന്ത്യയില് നിന്ന് സജീവമായി ഡാറ്റ ചോര്ത്തുന്നത് 52 ചൈനീസ് ആപ്പുകളാണെന്നാണ് പുറത്ത് വരുന്ന വിവരം. ഇത്തരം ആപ്പുകളെ ബ്ലോക്ക് ചെയ്യുകയോ നിങ്ങളുടെ മൊബൈല് ഫോണില് നിന്ന് അണ്ഇന്സ്റ്റാള് ചെയ്യുകയോ വേണമെന്നാണ് ഇന്റലിജന്സ് വിഭാഗം നല്കുന്ന മുന്നറിയിപ്പെന്ന് ഹിന്ദുസ്ഥാന് ടൈംസ് റിപ്പോര്ട്ട് ചെയ്തു. ഇന്റര്നെറ്റില് ചൈനയ്ക്കെതിരെ ദേശീയ വികാരമുണര്ത്തിവിട്ടത് ബോളിവുഡിലെ ജനപ്രിയ സിനിമയായ ‘3 ഇഡിയറ്റ്സ്’ന് ആധാരമായ എഞ്ചിനീയർ സോനം വാങ് ചുക്കാണ്. ചൈനയെ ബഹിഷ്കരിക്കാനുള്ള ആഹ്വാനം ഉയര്ത്തിയ സോനം വാങ് ചുക്ക് ഇതിനായി ഒരു ആപ്ലിക്കേഷനും ഉണ്ടാക്കി. പബ്ജി പോലുള്ള ആപ്ലിക്കേഷനുകളെ തിരിച്ചറിയാന് വാങ് ചുക്കിന്റെ ആപ്പിന് കഴിഞ്ഞില്ലെങ്കിലും ഫോണിലെ ഒട്ടുമിക്ക ചൈനീസ് ആപ്പുകളെയും നിരിച്ചറിയാന് ഇതിന് കഴിഞ്ഞു. എന്നാല് ഗൂഗില് ഈ ആപ്ലിക്കേഷന് തങ്ങളുടെ പ്ലേ സ്റ്റോറില്നിന്ന് നീക്കം ചെയ്തു. ഇതിനിടെ ലഡാക്കിലെ ഗുല്വാനില് നിയന്ത്രണരേഖ ബലം പ്രയോഗിച്ച് മറികടക്കാന് ശ്രമിച്ച ചൈനീസ് പട്ടാളക്കാരെ നിരായുധരായി ചെറുത്ത് നിന്ന 20 ഇന്ത്യന് സൈനികര് വീരമൃത്യു വരിച്ചതോടെ ഇന്ത്യയില് ചൈനീസ് ഉത്പന്ന ബഹിഷ്കരണത്തിന് ആക്കം കൂടി. കഴിഞ്ഞ ഏപ്രില് മാസത്തിലാണ് സൂം ആപ്പിനെതിരെ ഇന്ത്യയുടെ കമ്പ്യൂട്ടര് എമര്ജന്സി റെസ്പോണ്സ് ടീം ഓഫ് ഇന്ത്യ (Computer Emergency Response Team of India - CERT-in) മുന്നറിയിപ്പ് നല്കിയത്. സൂം ആപ്പിനെ നിയന്ത്രിക്കണമെന്നാണ് സിഇആര്ടി ആവശ്യപ്പെടുന്നത്. തായ്വാനില് സര്ക്കാര് സംവിധാനങ്ങളില് സൂ ആപ്പ് ഉപയോഗിക്കുന്നത് വിലക്കി. ജര്മ്മനിയുടെ വിദേശകാര്യ മന്ത്രാലയം സൂം ആപ്പ് സ്വന്തം കമ്പ്യൂട്ടറില് പോലും ഉപയോഗിക്കരുതെന്നാണ് ആവശ്യപ്പെട്ടിരിക്കുന്നത്. അമേരിക്കയും സൂമിന് പകരം മറ്റ് പ്ലാറ്റ്ഫോമുകള് ഉപയോഗിക്കാന് ആവശ്യപ്പെട്ടുകഴിഞ്ഞു. പലരാജ്യങ്ങളും സൂം ആപ്പ് ഉപയോഗിക്കുമ്പോള് സ്വകാര്യ ഡാറ്റകള് ചോരുന്നതായി ആരോപണം ഉന്നയിച്ചിരിക്കുകയാണ്. സൂം മാത്രമല്ല മൊബൈലില് ഉപയോഗിക്കുന്ന മിക്ക ചൈനീസ് ആപ്ലിക്കേഷനുകളും മൊബൈയിലെ സ്വകാര്യ വിവരങ്ങളടക്കം ശേഖരിക്കുന്നതായി നിരവധി രാജ്യങ്ങളാണ് പരാതി ഉയര്ത്തിയിരിക്കുന്നത്. സ്വകാര്യ വിവരങ്ങളും രാജ്യങ്ങളെ സംബന്ധിച്ച വിവരങ്ങളും ചോര്ത്താന് പഴയത് പോലെ ചാരന്മാരുടെ ആവശ്യമില്ല. പകരം കമ്പ്യൂട്ടറിലേക്ക് അല്ലെങ്കില് ഫോണിലേക്ക് ഒരു ആപ്ലിക്കേഷന് ഇന്സ്റ്റാള് ചെയ്താല് മതിയാകും. ആ ആപ്പില് അടങ്ങിയിരിക്കുന്ന ചില വൈറസുകള് നിങ്ങളുടെ കമ്പ്യൂട്ടറുകളിലേക്ക് ചേക്കേറുകയും നിങ്ങള് പോലും അറിയാതെ വിവരങ്ങള് രാജ്യാതിര്ത്തി കടത്തുകയും ചെയ്യും. സൂക്ഷിക്കുക നിങ്ങളുടെ സ്വകാര്യ വിവരങ്ങളും മറ്റും ചോര്ത്താന് ശത്രുരാജ്യത്തിന്റെ മനോഹരമായ ആപ്പുകള് നിങ്ങളേക്കാത്ത് നില്പ്പുണ്ടാകും. സ്വയം ജാഗ്രത പുലര്ത്തുക. കാണാം നിങ്ങളുടെ ഫോണില് നിന്നും വിവരങ്ങള് ചോര്ത്തുന്ന പ്രധാനപ്പെട്ട ചില ചൈനീസ് ആപ്ലിക്കേഷനുകള്...
ടിക്ടോക് : ചെറിയ വീഡിയോകള് ഷെയര് ചെയ്യുന്നതിനായി വ്യാപകമായി ഉപയോഗിക്കപ്പെടുന്ന ആപ്ലിക്കേഷന്. ഒരു മിനിറ്റ് ദൈര്ഘ്യമുള്ള വീഡിയോകളാണ് പ്രധാനമായും ഷെയര് ചെയ്യുന്നത്. ഇന്ത്യയില് പ്രധാനമായും 30 വയസിന് താഴെയുള്ള യുവാക്കളും കൗമാരക്കാരുമായ കോടിക്കണക്കിന് ആളുകളാണ് ഈ ആപ്പ് ഉപയോഗിക്കുന്നത്. ഇന്ത്യയില് ധാരാളം ടിക് ടോക് സെലിബ്രിറ്റികള് തന്നെയുണ്ട്.
ടിക്ടോക് : ചെറിയ വീഡിയോകള് ഷെയര് ചെയ്യുന്നതിനായി വ്യാപകമായി ഉപയോഗിക്കപ്പെടുന്ന ആപ്ലിക്കേഷന്. ഒരു മിനിറ്റ് ദൈര്ഘ്യമുള്ള വീഡിയോകളാണ് പ്രധാനമായും ഷെയര് ചെയ്യുന്നത്. ഇന്ത്യയില് പ്രധാനമായും 30 വയസിന് താഴെയുള്ള യുവാക്കളും കൗമാരക്കാരുമായ കോടിക്കണക്കിന് ആളുകളാണ് ഈ ആപ്പ് ഉപയോഗിക്കുന്നത്. ഇന്ത്യയില് ധാരാളം ടിക് ടോക് സെലിബ്രിറ്റികള് തന്നെയുണ്ട്.
ഏറ്റവും പുതിയ Technology News മലയാളത്തിൽ അറിയാൻ ഏഷ്യാനെറ്റ് ന്യൂസ് മലയാളം ഒപ്പമിരിക്കുക. Mobile Reviews in Malayalam, AI പോലുള്ള പുതുപുത്തൻ സാങ്കേതിക നവീകരണങ്ങൾ തുടങ്ങി ടെക് ലോകത്തിലെ എല്ലാ പ്രധാന അപ്ഡേറ്റുകളും അറിയാൻ Asianet News Malayalam