ചെര്ണോബില് ദുരന്തഭൂമിയില് ഒരു ട്രാവല് ബ്ലോഗര് കണ്ട കാഴ്ചകള്
ചരിത്രത്തിലെ തന്നെ ഏറ്റവും വലിയ ആണവോര്ജ്ജ ദുരന്തമെന്നറിയപ്പെടുന്ന ദുരന്തമാണ് ചെര്ണോബില് ദുരന്തം. 1986 ഏപ്രില് 26 -ന് രാത്രി ഒന്നരയോടടുപ്പിച്ചായിരുന്നു ആ ദുരന്തം സംഭവിച്ചത്. നേരത്തെ സോവിയറ്റ് യൂണിയന്റെ ഭാഗമായിരുന്നതും ഇപ്പോള് യുക്രൈനിന്റെ ഭാഗമായതുമായ പ്രിപ്യാറ്റിലുള്ള ചെര്ണോബില് ആണവോര്ജ്ജ പ്ലാന്റിലെ നാലാം നമ്പര് റിയാക്ടര് പൊട്ടിത്തെറിച്ചതായിരുന്നു അപകടത്തിന് കാരണം. അതേത്തുടര്ന്ന് നിരവധി പേര്ക്ക് ജീവന് നഷ്ടമായി. മാരകമായ പല അസുഖങ്ങളും ആളുകള്ക്ക് പിടിപ്പെട്ടു. ആളുകള് രോഗത്തെ ഭയന്ന് അവിടെനിന്നും പലായനം ചെയ്തു. ഭൂമിയിലെത്തന്നെ ഏറ്റവും അപകടകരമായ സ്ഥലങ്ങളിലൊന്ന് എന്നൊരിക്കല് മുദ്ര കുത്തപ്പെട്ടെങ്കിലും ആ സ്ഥലത്തേക്ക് ആളുകള് ഇടയ്ക്കിടെ സന്ദര്ശനം നടത്താറുണ്ട്. ഒരു ട്രാവല് ബ്ലോഗര് അങ്ങോട്ട് കഴിഞ്ഞ വര്ഷം ഒരു യാത്ര നടത്തുകയുണ്ടായി. അതിന്റെ വീഡിയോ ലക്ഷക്കണക്കിന് പേരാണ് കണ്ടത്. ബെഞ്ചമിന് റിച്ച് എന്ന ഇംഗ്ലീഷ് ട്രാവല് ബ്ലോഗറാണ് അങ്ങോട്ട് യാത്ര നടത്തിയത്.
ചെര്ണോബില് എക്സ്ക്ലൂഷന് സോണിലേക്കാണ് റിച്ച് യാത്ര നടത്തിയത്. ഏറ്റവും അപകടകരമായി അറിയപ്പെടുന്ന സ്ഥലമാണ് ഇത്. സാധാരണയായി മാധ്യമപ്രവര്ത്തകര്, ഗവേഷകര്, വിനോദസഞ്ചാരികള് എന്നിവര് ഇവിടം സന്ദര്ശിക്കാറുണ്ട്. അവിടെ ആരംഭിച്ചിട്ടുള്ള ഡാര്ക്ക് ടൂറിസവും പ്രസിദ്ധമാണ്. ദുരന്തം സംഭവിച്ച് 30 വര്ഷം മുമ്പ് ദുരന്തം സംഭിച്ചപ്പോഴുണ്ടായ അത്രയും അപകടം ഇപ്പോഴില്ലെങ്കിലും സത്യത്തില് ഇവിടേക്ക് ആളുകളെ അധികം സ്വാഗതം ചെയ്യുന്നില്ല.
ചെര്ണോബില് എക്സ്ക്ലൂഷന് സോണിലേക്കാണ് റിച്ച് യാത്ര നടത്തിയത്. ഏറ്റവും അപകടകരമായി അറിയപ്പെടുന്ന സ്ഥലമാണ് ഇത്. സാധാരണയായി മാധ്യമപ്രവര്ത്തകര്, ഗവേഷകര്, വിനോദസഞ്ചാരികള് എന്നിവര് ഇവിടം സന്ദര്ശിക്കാറുണ്ട്. അവിടെ ആരംഭിച്ചിട്ടുള്ള ഡാര്ക്ക് ടൂറിസവും പ്രസിദ്ധമാണ്. ദുരന്തം സംഭവിച്ച് 30 വര്ഷം മുമ്പ് ദുരന്തം സംഭിച്ചപ്പോഴുണ്ടായ അത്രയും അപകടം ഇപ്പോഴില്ലെങ്കിലും സത്യത്തില് ഇവിടേക്ക് ആളുകളെ അധികം സ്വാഗതം ചെയ്യുന്നില്ല.