ഇന്ത്യയിലെ ഏറ്റവും വലിയ അഞ്ചു ചുവന്നതെരുവുകൾ; രാജ്യത്തെ പ്രധാന റെഡ്ലൈറ്റ് ഏരിയകളുടെ ചിത്രങ്ങൾ കാണാം
First Published Oct 1, 2020, 12:14 PM ISTവേശ്യാവൃത്തി എന്നും ഏറെ വിവാദാസ്പദമായ ഒരു വിഷയമാണ്. ഇന്ത്യയിൽ ഇന്നും നിയമം മൂലം നിഷേധിക്കപ്പെട്ടിട്ടില്ലാത്ത ഒന്നാണ് ലൈംഗിക തൊഴിൽ എന്നത്. എന്നാൽ വേശ്യാവൃത്തിയുമായി ബന്ധപ്പെട്ടുകൊണ്ടുള്ള പല അനുബന്ധ പ്രവർത്തനങ്ങളും നിയമവിരുദ്ധമാണ് താനും. ഉദാ. പൊതു ഇടങ്ങളിൽ വെച്ച് നേരിട്ടോ പിമ്പുകൾ വഴിയോ ലൈംഗിക തൊഴിലിനു പ്രലോഭനം സൃഷ്ടിക്കുക, വേശ്യാലയങ്ങൾ നടത്തുക, ഹോട്ടലിൽ വെച്ച് വേശ്യാവൃത്തിയിൽ ഏർപ്പെടുക, പിമ്പിങ് നടത്തുക, അതുസംബന്ധിച്ച പരസ്യങ്ങൾ ചെയ്യുക, പീഡോഫീലിയയിൽ ഏർപ്പെടുക ഒക്കെയും ക്രിമിനൽ കുറ്റങ്ങളാണ് നാട്ടിൽ. എന്നിരുന്നാലും, നിയമാനുസൃതം പ്രവർത്തിക്കുന്ന റെഡ് ലൈറ്റ് ഏരിയകൾക്ക് പുറമെ, അനധികൃതമായി ഇന്ത്യയിലെ ഒട്ടുമിക്ക നഗരങ്ങളിലും തന്നെ വേശ്യാലയങ്ങൾ പ്രവർത്തിച്ചു പോരുന്നുണ്ട്. 2016 -ൽ UNAIDS നടത്തിയ സർവേ പ്രകാരം ഇന്ത്യയിൽ ചുരുങ്ങിയത് 657,829 ലൈംഗിക തൊഴിലാളികൾ എങ്കിലുമുണ്ട് എന്നാണ് കണക്ക്.
ഈ തൊഴിലാളികളിൽ പലരും ഇത്തരത്തിലുള്ള റെഡ് ലൈറ്റ് ഏരിയകളിൽ അഥവാ ചുവന്ന തെരുവുകളെന്നറിയപ്പെടുന്ന വേശ്യാലയങ്ങളിൽ എത്തിപ്പെടുന്നത് ചതിക്കപ്പെട്ടോ, മറ്റുമാർഗങ്ങളില്ലാഞ്ഞിട്ടോ ഒക്കെയാണ്. സ്വമേധയാ ഇവിടങ്ങളിൽ ജീവിതം ഹോമിക്കാനെത്തുന്നവർ തുലോം തുച്ഛമാണ് എന്നുതന്നെ പറയാം. ഇന്ത്യയിലെ അറിയപ്പെടുന്ന അഞ്ചു ചുവന്ന തെരുവുകളിലൂടെ ഒരു ദൃശ്യസഞ്ചാരമാകാം.