അഫ്ഗാനിലാകെ വെടിയൊച്ചകള്, ആകാശത്തുനിന്നും ബോംബുവര്ഷം, അരുംകൊലകള്, കറന്റില്ല, മരുന്നില്ല
അഫ്ഗാനിസ്താന് പിടിക്കാന് താലിബാന് ഭീകരര് നടത്തുന്ന ശ്രമങ്ങള്ക്കിടെ ചോരപ്പുഴയൊഴുകുന്നു. പിടിച്ചെടുക്കുന്ന പ്രദേശങ്ങളില് തങ്ങള്ക്ക് താല്പ്പര്യമില്ലാത്ത സിവിലിയന്മാരെ താലിബാന് കൊന്നൊടുക്കുകയാണെന്ന് അഫ്ഗാന് മനുഷ്യാവകാശ കമീഷന് റിപ്പോര്ട്ട് ചെയ്യുന്നു. സര്ക്കാര് ഉദ്യോഗസ്ഥരെയും സര്ക്കാറിനൊപ്പം നില്ക്കുന്നവരെയും താലിബാന് തെരഞ്ഞുപിടിച്ച് അരുംകൊല ചെയ്യുകയാണ് എന്നാണ് റിപ്പോര്ട്ടില് പറയുന്നത്. മൂന്ന് പ്രവിശ്യകള് കീഴടക്കാനുള്ള യുദ്ധം നടക്കുന്നതിനിടെ ആയിരങ്ങള് പലായനം ചെയ്യുകയാണ്. കരയിലും ആകാശത്തിലും നിന്ന് വമ്പിച്ച ആക്രമണങ്ങള് നടക്കുകയാണ്.
122
അഫ്ഗാനില് നടക്കുന്നത് വന് യുദ്ധമാണെന്നാണ് വാര്ത്താ ഏജന്സികള് റിപ്പോര്ട്ട് ചെയ്യുന്നത്. അമേരിക്കന് സൈന്യം അഫ്ഗാന് വിട്ടതിനു തൊട്ടുപിന്നാലെയാണ് സര്വ്വ ശക്തിയുമെടുത്ത് താലിബാന് ഭീകരര് വീണ്ടും രംഗത്തുവന്നത്.
click me!