ബ്ലഡ് ക്യാൻസർ; ഈ പത്ത് പ്രാരംഭ ലക്ഷണങ്ങളെ നിസാരമാക്കരുത്...
Synopsis
ശരീരത്തില് രക്തം നിര്മിക്കപ്പെടുന്ന മജ്ജ, ലിംഫാറ്റിക് സംവിധാനം എന്നിവിടങ്ങളില് രൂപപ്പെടുന്ന അര്ബുദമാണ് രക്താര്ബുദം അഥവാ ലുക്കീമിയ. ബ്ലഡ് കാന്സര് പലപ്പോഴും ആദ്യം തിരിച്ചറിയാന് സാധിക്കിലെങ്കിലും പലപ്പോഴും ശരീരം തന്നെ ചില ലക്ഷണങ്ങള് കാണിക്കാറുണ്ട്.
ക്യാന്സര് വിഭാഗങ്ങളില് സാധാരണമായി കണ്ടു വരുന്ന ഒന്നാണ് ബ്ലഡ് കാന്സർ. രക്തോല്പാദനം കുറയുന്നതാണ് ബ്ലഡ് ക്യാന്സര് അഥവാ ലുക്കീമിയ എന്നറിയപ്പെടുന്നത്. ശരീരത്തില് രക്തം നിര്മിക്കപ്പെടുന്ന മജ്ജ, ലിംഫാറ്റിക് സംവിധാനം എന്നിവിടങ്ങളില് രൂപപ്പെടുന്ന അര്ബുദമാണ് രക്താര്ബുദം അഥവാ ലുക്കീമിയ. ബ്ലഡ് കാന്സര് പലപ്പോഴും ആദ്യം തിരിച്ചറിയാന് സാധിക്കിലെങ്കിലും പലപ്പോഴും ശരീരം തന്നെ ചില ലക്ഷണങ്ങള് കാണിക്കാറുണ്ട്. രക്താര്ബുദം ഉള്ളവരില് രക്തത്തിലെ ഹീമോഗ്ലോബിന്റെ അളവ് ക്രമാതീതമായി കുറഞ്ഞിരിക്കും. ഇത് വിളര്ച്ചയ്ക്കും ക്ഷീണത്തിനും കാരണമാകും. എപ്പോഴും തളര്ച്ചയും തലകറക്കവും അനുഭവപ്പെടുന്നെങ്കില് ഡോക്ടറെ കണ്ടു പരിശോധനകള് നടത്തണം.
അറിയാം ബ്ലഡ് ക്യാന്സറിന്റെ പ്രാരംഭ ലക്ഷണങ്ങള്...
ഒന്ന്...
അകാരണമായി ശരീരഭാരം കുറയുന്നതാണ് ഒരു ലക്ഷണം. ഭക്ഷണക്രമത്തിലോ വ്യായാമത്തിലോ യാതൊരു മാറ്റവുമില്ലാതെ അവിചാരിതവുമായി ശരീരഭാരം കുറയുന്നത് രക്താർബുദത്തിന്റെ ഒരു സൂചനയാകാം.
രണ്ട്...
തുടക്കത്തിലെ പറഞ്ഞതുപോലെ അകാരണമായ ക്ഷീണം ഒരു പ്രാധാന ലക്ഷണമാണ്. മതിയായ വിശ്രമത്തിനു ശേഷവും അമിതമായ ക്ഷീണമോ, തളർച്ചയോ സ്ഥിരമായി അനുഭവപ്പെടുന്നത് ചിലപ്പോള് ബ്ലഡ് ക്യാൻസറിന്റെ ലക്ഷണമാകാം.
മൂന്ന്...
എല്ലുകളിലോ സന്ധികളിലോ സ്ഥിരമായി ഉണ്ടാകുന്ന വേദന അവഗണിക്കരുത്. തുടർച്ചയായി ഇത്തരം അസ്വസ്ഥതകൾ അനുഭവപ്പെടുന്നുണ്ടെങ്കിൽ ഒരു ഡോക്ടറെ സമീപിക്കേണ്ടത് പ്രധാനമാണ്.
നാല്...
ചെറിയ മുറിവുകളിൽ നിന്ന് നീണ്ട രക്തസ്രാവം അനുഭവപ്പെടുന്നതും നിസാരമായി കാണേണ്ട.
അഞ്ച്...
ഇടയ്ക്കിടെ ഉണ്ടാകുന്ന നെഞ്ചുവേദനയും ശ്വാസതടസ്സം അനുഭവപ്പെടുന്നതും ബ്ലഡ് ക്യാൻസറിന്റെ ഒരു ലക്ഷണമായിരിക്കാം.
ആറ്...
രക്താർബുദം രോഗപ്രതിരോധ സംവിധാനത്തെ ദുർബലപ്പെടുത്തുന്നു. ഇതു മൂലം പെട്ടെന്ന് അണുബാധകൾ പിടിപ്പെടാന് കാരണമാകും.
ഏഴ്...
മൂക്ക്, വായ, മലദ്വാരം, മൂത്രദ്വാരം എന്നിവിടങ്ങളില് നിന്നുള്ള അസ്വഭാവിക ബ്ലീഡിങ് എന്നിവയും സൂക്ഷിക്കേണ്ടതാണ്.
എട്ട്...
പനി, തലവേദന, ചര്മ്മത്തിലും വായിലും മറ്റുമുണ്ടാകുന്ന തടിപ്പുകളും വ്രണങ്ങളും ശ്രദ്ധിക്കേണ്ടതാണ്.
ഒമ്പത്...
രാത്രിയില് അമിതമായി വിയര്ക്കുന്നതും നിസാരമായി കാണേണ്ട.
പത്ത്...
ലുക്കീമിയയുടെ ഫലമായി കരളും പ്ലീഹയും വീര്ത്തിരിക്കാനും സാധ്യതയുണ്ട്.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also read: ക്യാന്സര് സാധ്യതയെ കുറയ്ക്കാന് ഡയറ്റില് ഉള്പ്പെടുത്താം ഈ ആറ് ഭക്ഷണങ്ങള്...
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam