ഉയര്ന്ന രക്തസമ്മര്ദ്ദം നിയന്ത്രിക്കാന് ഡയറ്റില് നിന്ന് ഒഴിവാക്കേണ്ട അഞ്ച് ഭക്ഷണങ്ങള്...
Synopsis
ഉയര്ന്ന രക്തസമ്മര്ദ്ദം മസ്തിഷ്കാഘാതം, ഹൃദയധമനികളില് രക്തം കട്ടപിടിക്കല് തുടങ്ങിയവയ്ക്ക് കാരണമാകും. രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്.
ഇന്ത്യയിലെ യുവാക്കളില് രക്തസമ്മര്ദ്ദം അപകടകരമാംവിധം കൂടുന്നതായാണ് കണക്കുകള് സൂചിപ്പിക്കുന്നത്. രക്തസമ്മര്ദ്ദം അല്ലെങ്കില് ഹൈപ്പര്ടെന്ഷന് യഥാസമയം കണ്ടുപിടിക്കാതിരിക്കുന്നതും ചികിത്സ തേടാതിരിക്കുന്നതുമാണ് പലപ്പോഴും അപകടകരമാകുന്നത്.
ഉയര്ന്ന രക്തസമ്മര്ദ്ദം മസ്തിഷ്കാഘാതം, ഹൃദയധമനികളില് രക്തം കട്ടപിടിക്കല് തുടങ്ങിയവയ്ക്ക് കാരണമാകും. രക്തസമ്മര്ദ്ദം നിയന്ത്രിക്കാന് ഭക്ഷണരീതിയില് മാറ്റങ്ങള് വരുത്തേണ്ടത് അത്യാവശ്യമാണ്. ഉയര്ന്ന രക്തസമ്മര്ദ്ദം നിയന്ത്രിക്കാന് ഡയറ്റില് നിന്ന് ഒഴിവാക്കേണ്ട ചില ഭക്ഷണങ്ങളെ പരിചയപ്പെടാം...
ഒന്ന്...
കോഫിയാണ് ആദ്യമായി ഈ പട്ടികയില് ഉള്പ്പെടുന്നത്. കഫൈനിന്റെ അമിത ഉപയോഗം രക്തസമ്മര്ദ്ദം കൂടാന് കാരണമാകും. അതിനാല് കോഫിയുടെ ഉപയോഗം പരിമിതപ്പെടുത്തുന്നതാണ് നല്ലത്.
രണ്ട്...
പഞ്ചസാരയുടെ അമിത ഉപയോഗം രക്തസമ്മര്ദ്ദം കൂട്ടുമെന്ന് പഠനങ്ങള് തെളിയിച്ചിട്ടുണ്ട്. അതിനാല് ശീതളപാനീയങ്ങളുടെ ഉപയോഗവും പഞ്ചസാര അടങ്ങിയ ഭക്ഷണങ്ങളുടെ ഉപയോഗവും കുറയ്ക്കുക.
മൂന്ന്...
ഉപ്പ് അധികം അടങ്ങിയ ഭക്ഷണങ്ങള് കഴിക്കുന്നതും രക്തസമ്മര്ദ്ദം വര്ധിപ്പിക്കാന് കാരണമാകുന്നുണ്ട്. അതിനാല് ഉപ്പിന്റെ അമിത ഉപയോഗം കുറയ്ക്കുക.
നാല്...
നമ്മളിൽ പലർക്കും ശീതീകരിച്ച ഭക്ഷണങ്ങൾ ഒരു ബലഹീനതയാണ്. എന്നാല് ഇത്തരത്തിലുള്ള ശീതീകരിച്ച ഭക്ഷണങ്ങൾ ഒഴിവാക്കുന്നതാണ് രക്തസമ്മര്ദ്ദത്തെ നിയന്ത്രിക്കാന് നല്ലത്.
അഞ്ച്...
അച്ചാറുകൾ എല്ലാവര്ക്കും ഏറെ പ്രിയപ്പെട്ടതാണ്. അത് മാങ്ങയോ നാരങ്ങയോ നെല്ലിക്കയോ എന്തുമാകട്ടെ, ഇവ ഭക്ഷണത്തിന് നൽകുന്ന അധിക രുചി നമ്മളില് മിക്കവരും ഇഷ്ടപ്പെടുന്നുവെന്നതിൽ യാതൊരു തർക്കവുമില്ല. എന്നാല് അച്ചാറുകൾ വീട്ടിൽ തന്നെ തയ്യാറാക്കിയാലും വളരെ ഉയർന്ന അളവിൽ ഉപ്പ് അടങ്ങിയിട്ടുണ്ടാകാം. അതിനാല് അച്ചാറുകളുടെ ഉപയോഗവും കുറയ്ക്കുന്നതാണ് രക്തസമ്മര്ദ്ദം നിയന്ത്രിക്കാന് നല്ലത്.
Also Read: വരണ്ട ചര്മ്മമുള്ളവര് ഭക്ഷണത്തില് ശ്രദ്ധിക്കേണ്ട കാര്യങ്ങള്...
കൊവിഡ് മഹാമാരിയുടെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona