തൊണ്ട വേദന, ചുമ, പനി; വിട്ടുമാറാതെ സീസണൽ രോഗങ്ങളെ തടയാന് ചെയ്യേണ്ടത്...
Synopsis
കാലാവസ്ഥ മാറുന്നതനുസരിച്ച് ശരീരത്തിന്റെ ആരോഗ്യ കാര്യത്തില് പ്രത്യേകം ശ്രദ്ധ വേണം. പ്രതിരോധശേഷി കൂട്ടാന് വിറ്റാമിനുകളും ആന്റി ഓക്സിഡന്റുകളും അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തേണ്ടത് പ്രധാനമാണ്.
സംസ്ഥനത്ത് ചൂട് കനത്തതോടെ വൈറല് പനി മുതല് മഞ്ഞപ്പിത്തം, ചിക്കൻപോക്സ്, വയറിളക്കം പോലുള്ള രോഗങ്ങളും പിടിമുറുക്കുന്നുണ്ട്. രോഗ പ്രതിരോധശേഷി കുറഞ്ഞവരിലാണ് പെട്ടെന്ന് ഇത്തരം രോഗങ്ങള് പിടിപ്പെടുന്നത്. കാലാവസ്ഥ മാറുന്നതനുസരിച്ച് ശരീരത്തിന്റെ ആരോഗ്യ കാര്യത്തില് പ്രത്യേകം ശ്രദ്ധ വേണം. പ്രതിരോധശേഷി കൂട്ടാന് വിറ്റാമിനുകളും ആന്റി ഓക്സിഡന്റുകളും അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തേണ്ടത് പ്രധാനമാണ്.
അത്തരത്തില് മാറുന്ന കാലാവസ്ഥയില് പ്രതിരോധശേഷി കൂട്ടാന് ഡയറ്റില് ഉള്പ്പെടുത്തേണ്ട ചില ഭക്ഷങ്ങളെ പരിചയപ്പെടാം...
ഒന്ന്...
ബദാം ആണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിന് ഇയും അയേണും മറ്റ് ആന്റി ഓക്സിഡന്റുകളും അടങ്ങിയ ബദാം ഡയറ്റില് ഉള്പ്പെടുത്തുന്നത് രോഗ പ്രതിരോധശേഷി കൂട്ടാന് സഹായിക്കും.
രണ്ട്...
സിട്രസ് പഴങ്ങളാണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ ഓറഞ്ച്, നാരങ്ങ, ഗ്രേപ്പ് ഫ്രൂട്ട് തുടങ്ങിയവ കഴിക്കുന്നതും രോഗ പ്രതിരോധശേഷി മെച്ചപ്പെടുത്താന് സഹായിക്കും.
മൂന്ന്...
ഇലക്കറികളാണ് അടുതത്തായി ഈ പട്ടികയില് ഉള്പ്പെടുന്നത്. വിറ്റാമിനുകളും ആന്റി ഓക്സിഡന്റുകളും ധാതുക്കളും അടങ്ങിയ ചീര പോലെയുള്ള ഇലക്കറികള് ഡയറ്റില് ഉള്പ്പെടുത്തുന്നതും രോഗ പ്രതിരോധശേഷി കൂട്ടാന് സഹായിക്കും.
നാല്...
വെളുത്തുള്ളിയാണ് അടുത്തതായി ഈ പട്ടികയില് ഉള്പ്പെടുന്നത്. വെളുത്തുള്ളിയില് അടങ്ങിയിരിക്കുന്ന ആലിസിന് ആണ് രോഗ പ്രതിരോധശേഷി കൂട്ടാന് ഗുണം ചെയ്യുന്നത്.
അഞ്ച്...
ബെറി പഴങ്ങളാണ് അവസാനമായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകള് ധാരാളം അടങ്ങിയ സ്ട്രോബെറി, ബ്ലൂബെറി തുടങ്ങിയ ബെറി പഴങ്ങള് കഴിക്കുന്നതും പ്രതിരോധശേഷി കൂട്ടാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam