Health Tips : ഈന്തപ്പഴം കഴിച്ചാൽ ലഭിക്കും ഈ ​ഗുണങ്ങൾ

വിളര്‍ച്ചയ്ക്കുള്ള നല്ലൊരു മരുന്ന് കൂടിയാണ് ഈന്തപ്പഴം. ഹീമോഗ്ലോബിന്‍ തോതു വര്‍ദ്ധിപ്പിക്കാന്‍ ഇത് ഏറെ നല്ലതാണ്. ഈന്തപ്പഴത്തിൽ ബി 1, ബി 2, ബി 3, ബി 5 തുടങ്ങിയ വിറ്റാമിനുകളും എ 1, സി എന്നിവയും അടങ്ങിയിട്ടുണ്ട്.    

ഡ്രൈ ഫ്രൂട്‌സിൽ ഏറ്റവും പോഷക​ഗുണം അടങ്ങിയ ഒന്നാണ് ഈന്തപ്പഴം. അവയിൽ ധാരാളം പോഷകങ്ങൾ, നാരുകൾ, ആന്റിഓക്‌സിഡന്റുകൾ എന്നിവ അടങ്ങിയിട്ടുണ്ട്. നിരവധി പഠനങ്ങൾ ഈന്തപ്പഴത്തെ മെച്ചപ്പെട്ട തലച്ചോറിന്റെ പ്രവർത്തനവുമായി ബന്ധിപ്പിച്ചിട്ടുണ്ട്. അവയുടെ ആന്റിഓക്‌സിഡന്റ് സംയുക്തം അൽഷിമേഴ്സ് രോഗം തടയുന്നതിന് സഹായിക്കുന്നു.

വിളർച്ചയ്ക്കുള്ള നല്ലൊരു മരുന്ന് കൂടിയാണ് ഈന്തപ്പഴം. ഹീമോഗ്ലോബിൻ തോതു വർദ്ധിപ്പിക്കാൻ ഇത് ഏറെ നല്ലതാണ്. ഈന്തപ്പഴത്തിൽ ബി 1, ബി 2, ബി 3, ബി 5 തുടങ്ങിയ വിറ്റാമിനുകളും എ 1, സി എന്നിവയും അടങ്ങിയിട്ടുണ്ട്.  ഈന്തപ്പഴം എല്ലുകളുടെ ആരോഗ്യത്തിന് ​ഗുണം ചെയ്യും.

ഈന്തപ്പഴത്തിൽ സെലിനിയം, മാംഗനീസ്, കോപ്പർ, മഗ്നീഷ്യം എന്നിവ ധാരാളം അടങ്ങിയിട്ടുണ്ട്. എല്ലുകളെ ആരോഗ്യകരമായി നിലനിർത്തുന്നതിനും ഓസ്റ്റിയോപൊറോസിസ് പോലുള്ള അവസ്ഥകൾ തടയുന്നതിനും ഈ പോഷകങ്ങൾ ആവശ്യമാണ്.

ഈന്തപ്പഴത്തിൽ പൊട്ടാസ്യം അടങ്ങിയിട്ടുണ്ട്. ഇത് നാഡീവ്യവസ്ഥയെ ക്രമത്തിൽ നിലനിർത്തുന്നതിൽ വളരെയധികം സഹായിക്കുന്നു. പൊട്ടാസ്യം കൊളസ്‌ട്രോൾ കുറയ്ക്കാനും സ്‌ട്രോക്ക് വരാനുള്ള സാധ്യത തടയാനും സഹായിക്കുന്നു.
കഠിനമായ ഇരുമ്പിന്റെ കുറവ് വിളർച്ച, ക്ഷീണം, ശ്വാസതടസ്സം അല്ലെങ്കിൽ നെഞ്ചുവേദന എന്നിവയ്ക്ക് കാരണമാകാം.
ഈന്തപ്പഴം ശരീരത്തിൽ മെലാനിൻ അടിഞ്ഞുകൂടുന്നത് തടയുകയും പ്രായമാകൽ പ്രക്രിയ മന്ദ​ഗതിയിലാക്കുകയും ചെയ്യുന്നു.

ഈന്തപ്പഴം കുതിർത്ത് കഴിക്കുന്നത് ഏറെ ഗുണകരമാണെന്നും ന്യൂട്രീഷ്യന്മാർ പറയുന്നു. ഒരു രാത്രി മുഴുവൻ വെള്ളത്തിൽ ഇട്ട് കുതിർത്ത ഈന്തപ്പഴം രാവിലെ വെറുംവയറ്റിൽ കഴിക്കുന്നത് ശരീരത്തിൽ ഇരുമ്പിൻറെ അംശം കൂടാനും വിളർച്ചയെ തടയാനും സഹായിക്കുമെന്നാണ് ന്യൂട്രീഷ്യന്മാർ പറയുന്നത്. ഈന്തപ്പഴം കുതിർത്ത് കഴിക്കുന്നത് ദഹനം എളുപ്പമാകാനും സഹായിക്കും. ഫൈബർ ധാരാളം അടങ്ങിയ ഇവ മലബന്ധം അകറ്റാനും സഹായിക്കും.