സ്ത്രീകൾക്കിടയിലും ശ്വാസകോശ അർബുദം ഇപ്പോൾ കൂടുതലായി കണ്ടുവരുന്നു. പാസീവ് സ്‌മോക്കിങ്, അഥവാ മറ്റൊരാൾ വലിച്ചുവിടുന്ന സിഗരറ്റ് പുക ശ്വസിക്കുന്നതാണ് അതിന്റെ പ്രധാന കാരണങ്ങളിൽ ഒന്ന്. ശ്വാസകോശത്തിന്റെ ഉള്ളിലായിരിക്കും ആദ്യം ട്യൂമറുകൾ ഉണ്ടാവുക.
നമ്മുടെ രാജ്യത്ത് ഏറ്റവുമധികം ആളുകളിൽ കാണുന്ന അർബുദമാണ് ശ്വാസകോശ ക്യാൻസർ. ശ്വാസകോശ അർബുദത്തിന് ചികിത്സ തേടിയെത്തുന്നവരിൽ പത്തിൽ ഒമ്പത് പേരും പുകവലിക്കാരാണ്. എന്നാൽ ഇപ്പോൾ ഈ കാൻസറിന് ചികിത്സ തേടിയെത്തുന്നവരിൽ 25ശതമാനവും പുകവലിക്കാത്തവരാണ്. സ്ത്രീകൾക്കിടയിലും ശ്വാസകോശ അർബുദം ഇപ്പോൾ കൂടുതലായി കണ്ടുവരുന്നു.
പാസീവ് സ്‌മോക്കിങ്, അഥവാ, മറ്റൊരാൾ വലിച്ചുവിടുന്ന സിഗരറ്റ് പുക ശ്വസിക്കുന്നതാണ് അതിന്റെ പ്രധാന കാരണങ്ങളിൽ ഒന്ന്. ശ്വാസകോശത്തിന്റെ ഉള്ളിലായിരിക്കും ആദ്യം ട്യൂമറുകൾ ഉണ്ടാവുക. പ്രാഥമിക ടെസ്റ്റുകൾ നടത്തിനോക്കിയാൽ പോലും അതെളുപ്പത്തിൽ കണ്ടുപിടിക്കാൻ കഴിയില്ല. പിന്നീട് ട്യൂമറുകൾ വലുതാവുകയും ആരോഗ്യസ്ഥിതി വഷളാവുകയും ചെയ്യുമ്പോൾ മാത്രമാണ് പലരിലും രോഗം തിരിച്ചറിയുന്നത്.
ആരോഗ്യകരമായ ചില ജീവിതശൈലി മാറ്റങ്ങൾ വരുത്തുന്നതിലൂടെ ഇത് തടയാനാകും. ഈ അർബുദത്തിൽ നിന്ന് രക്ഷപ്പെടാൻ കൃത്യമായ മാർഗമില്ലെങ്കിലും ഈ മാരകമായ രോഗം വരാനുള്ള സാധ്യത കുറയ്ക്കുന്നതിനുള്ള ആദ്യപടിയാണ് പുകവലി ഉപേക്ഷിക്കുന്നത്. ചുമയ്ക്കുമ്പോൾ രക്തം വരിക, ശ്വാസം മുട്ടൽ, നെഞ്ചുവേദന, അപ്രതീക്ഷിതമായ ഭാരം കുറയൽ, അസ്ഥി വേദന എന്നിവ ശ്വാസകോശ കാൻസറിന്റെ ചില സൂചനകളാണ്.
അകാല ആർത്തവവിരാമം ഹൃദ്രോഗ സാധ്യതയുമായി ബന്ധപ്പെട്ടിരിക്കുന്നുവോ?
"സിഗരറ്റ് പുകയിൽ നിന്ന് അകന്നു നിൽക്കുക എന്നതാണ് ഏറ്റവും പ്രധാനപ്പെട്ട നടപടി. പുകവലി നിർത്തുന്നതിലൂടെ അടുത്ത 10 വർഷത്തിനുള്ളിൽ ശ്വാസകോശ അർബുദ സാധ്യത 30 മുതൽ 50% വരെ കുറയ്ക്കാൻ കഴിയും..." നോയിഡയിലെ ഫോർട്ടിസ് ഹോസ്പിറ്റലിലെ കൺസൾട്ടന്റ് മെഡിക്കൽ ഓങ്കോളജി ഡോ. ഇഷു ഗുപ്ത പറയുന്നു.
നിങ്ങൾ പുകവലിക്കില്ലെങ്കിലും സിഗരറ്റ് പുകയുമായി സമ്പർക്കം പുലർത്തുകയാണെങ്കിൽ നിങ്ങൾക്ക് ശ്വാസകോശ അർബുദ സാധ്യത കൂടുതലാണ്. ഇത് സെക്കൻഡ് ഹാൻഡ് പുകവലി എന്നാണ് അറിയപ്പെടുന്നത്. അതുകൊണ്ട് പുകവലിക്കാതിരിക്കുക മാത്രമല്ല, നിങ്ങളുടെ ചുറ്റുമുള്ള പുകവലിക്കാരിൽ നിന്ന് അകന്നു നിൽക്കുക എന്നതും ഒരുപോലെ പ്രധാനമാണ്...- " ഡോ ഗുപ്ത കൂട്ടിച്ചേർക്കുന്നു. പരിഗണിക്കേണ്ട മറ്റൊരു പ്രധാന ഘടകം മറ്റ് അപകടകരമായ മലിനീകരണങ്ങളുമായുള്ള സമ്പർക്കമാണ്. ഇൻഡോർ മലിനീകരണം പോലും എക്സ്പോഷറിലേക്ക് നയിച്ചേക്കാം.
ദിവസേനയുള്ള വ്യായാമം, യോഗ, പോഷകാഹാരം എന്നിവ ശ്വാസകോശ അർബുദ സാധ്യത കുറയ്ക്കും. കാരണം ഇത് ശ്വാസകോശത്തിന്റെ പ്രവർത്തനം മെച്ചപ്പെടുത്തുന്നതിനും വീക്കം, സമ്മർദ്ദം എന്നിവ കുറയ്ക്കുന്നതിനും സഹായിക്കുന്നു.
കൊവി‍ഡ് 19 പിടിപെട്ട് രണ്ട് വർഷത്തിന് ശേഷം ഈ ആരോഗ്യപ്രശ്നം ഉണ്ടാകാനുള്ള സാധ്യത കൂടുതൽ; പഠനം
പതിവ് വ്യായാമം ശ്വാസകോശത്തിന്റെ പ്രവർത്തനം മെച്ചപ്പെടുത്താനും വീക്കം കുറയ്ക്കാനും നിങ്ങളുടെ മൊത്തത്തിലുള്ള ആരോഗ്യം മെച്ചപ്പെടുത്താനും സഹായിക്കുന്നു. അതുപോലെ, വിട്ടുമാറാത്ത രോഗങ്ങൾ തടയുന്നതിന് ആരോഗ്യകരമായ സമീകൃതാഹാരം പ്രധാനമാണെന്നും വിദഗ്ദ്ധർ പറയുന്നു.
ഭക്ഷണത്തിൽ ധാരാളം പഴങ്ങളും പച്ചക്കറികളും ഉൾപ്പെടുത്തുന്നത് ശ്വാസകോശ അർബുദ സാധ്യത കുറയ്ക്കാൻ സഹായിക്കും. പുകവലിക്കാരിലും പുകവലിക്കാത്തവരിലും ശ്വാസകോശ അർബുദം തടയാൻ പഴങ്ങളും പച്ചക്കറികളും സഹായിക്കുമെന്ന് തെളിയിക്കപ്പെട്ടിട്ടുണ്ട്.