Skin Care : മുഖത്തെ കരുവാളിപ്പ് മാറാൻ ഇതാ ഒരു കിടിലൻ ഫേസ് പാക്ക്

പപ്പായയിൽ അടങ്ങിയിരിക്കുന്ന അവശ്യ വിറ്റാമിനുകളായ എ, സി, ആന്റിഓക്‌സിഡന്റുകൾ ചർമ്മത്തെ തിളക്കമുള്ളതും നിറമുള്ളതുമാക്കാൻ സഹായിക്കുന്നു. 

ശരീരത്തിന് ആവശ്യമായ എല്ലാ പോഷകങ്ങളും നൽകുന്ന പഴമാണ് പപ്പായ. വിറ്റാമിൻ എ കൂടുതലുള്ള പപ്പായ പതിവായി കഴിക്കുന്നത് ധാരാളം ആരോ​ഗ്യ​ഗുണങ്ങൾ നൽകുന്നു. പല ചർമ്മ, കേശ സംരക്ഷണ ഉൽപ്പന്നങ്ങളുടെയും ഒരു പ്രധാന ഘടകമാണ് ഇത്. പപ്പായയിൽ അടങ്ങിയിരിക്കുന്ന അവശ്യ വിറ്റാമിനുകളായ എ, സി, ആന്റിഓക്‌സിഡന്റുകൾ ചർമ്മത്തെ തിളക്കമുള്ളതും നിറമുള്ളതുമാക്കാൻ സഹായിക്കുന്നു. മുഖസൗന്ദര്യത്തിന് പപ്പായ എങ്ങനെയാണ് ഉപയോ​ഗിക്കേണ്ടതെന്ന് നോക്കാം...

പപ്പായയും ഓറഞ്ച് ജ്യൂസും ചേർന്ന ഫേസ് പാക്ക്...

 ആവശ്യമായ ചേരുവകൾ:

ഒരു ചെറിയ പഴുത്ത പപ്പായ, കഷണങ്ങളായി മുറിച്ചത്
 ഓറഞ്ച് അല്ലികൾ                  2 - 3
കറ്റാർ വാഴ ജെൽ              ഒരു ടേബിൾ സ്പൂൺ 

തയ്യാറാക്കേണ്ട രീതി...

ഒരു പാത്രത്തിൽ പപ്പായ കഷ്ണങ്ങൾ, കറ്റാർവാഴ ജെൽ, ഓറഞ്ച് നീര് എന്നിവ ചേർത്ത് മിക്സ് ചെയ്യയുക. ശേഷം ഈ പേസ്റ്റ് മുഖത്തും കഴുത്തിലും പുരട്ടി പത്ത് മിനുട്ടിന് ശേഷം തണുത്ത വെള്ളത്തിൽ മുഖം കഴുകുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാം. 

കറുത്ത പാടുകൾ, കരുവാളിപ്പ്, മുഖക്കുരു എന്നിവയുടെ പാടുകൾ കുറയ്ക്കുന്നതിന ഈ പാക്ക് മികച്ചതാണ്. ഓറഞ്ചിൽ വിറ്റാമിൻ സി അടങ്ങിയിട്ടുണ്ട്, ഇത് അണുക്കൾ, അഴുക്ക്, എണ്ണമയ  എന്നിവ ചർമ്മ സുഷിരങ്ങളിൽ നിന്ന് നീക്കം ചെയ്യുന്നു.