കൊറോണ വൈറസിന് ജനിതക മാറ്റം; 70 ശതമാനം വ്യാപന ശേഷികൂടുതലെന്ന് കണ്ടെത്തൽ
Synopsis
നിലവിലെ കൊറോണ വൈറസിനേക്കാൾ പുതിയ വെെറസ് 70 ശതമാനം വ്യാപന ശേഷികൂടുതലാണെന്നാണ് കണ്ടെത്തൽ. ഇതേ തുടര്ന്ന് യുകെയില് നിന്നുള്ള വിമാനങ്ങള്ക്ക് നിരോധനമേര്പ്പെടുത്താനാണ് യൂറോപ്യന് രാജ്യങ്ങളുടെ തീരുമാനം.
ജനിതക മാറ്റം വന്ന കൊറോണ വൈറസിന്റെ വ്യാപനത്തില് ലോകത്ത് ആശങ്ക. ജനിതകമാറ്റം സംഭവിച്ച കൊറോണ വൈറസിന്റെ വ്യാപനം വേഗത്തിലാണെന്നാണ് ബ്രിട്ടീഷ് ആരോഗ്യവകുപ്പ് സെക്രട്ടറി മാറ്റ് ഹാൻകോക് വെളിപ്പെടുത്തി.
നിലവിലെ കൊറോണ വൈറസിനേക്കാൾ പുതിയ വെെറസ് 70 ശതമാനം വ്യാപന ശേഷികൂടുതലാണെന്നാണ് കണ്ടെത്തൽ. ഇതേ തുടര്ന്ന് യുകെയില് നിന്നുള്ള വിമാനങ്ങള്ക്ക് നിരോധനമേര്പ്പെടുത്താനാണ് യൂറോപ്യന് രാജ്യങ്ങളുടെ തീരുമാനം. അയര്ലാന്റ്, ജര്മനി, ഫ്രാന്സ്, ഇറ്റലി, നെതര്ലാന്റ്സ്, ബെല്ജിയം എന്നീ രാജ്യങ്ങള് വിമാനങ്ങള്ക്ക് നിരോധനമേര്പ്പെടുത്തി.
ലണ്ടൻ മേഖലയിലും തെക്ക് കിഴക്കൻ ഇംഗ്ലണ്ടിലുമാണ് രോഗവ്യാപനം നടന്നിരിക്കുന്നത്. എല്ലാ ക്രിസ്തുമസ് ആഘോഷങ്ങളും റദ്ദാക്കിയതായും പൊതുസമൂഹം ആഘോഷങ്ങൾ വീടുകളിലേക്ക് മാറ്റണമെന്നും പ്രധാനമന്ത്രി ആഹ്വാനം ചെയ്തു. മരണനിരക്ക് കൂടുമോ വാക്സിന് ഫലപ്രദമാകുമോ എന്ന കാര്യങ്ങളില് ഇതുവരെ വ്യക്തത വന്നിട്ടില്ലെന്ന് ആരോഗ്യ രംഗത്തെ വിദഗ്ധര് ചൂണ്ടിക്കാട്ടി.
നെതര്ലാന്ഡ് യു.കെയില് നിന്നുള്ള എല്ലാ പാസഞ്ചര് വിമാനങ്ങള്ക്കും ഞായറാഴ്ച മുതല് നിരോധനം ഏര്പ്പെടുത്തിയതായി റിപ്പോർട്ടുകൾ. രാജ്യത്ത് അതിവ്യാപന ശേഷിയുള്ള പുതിയ വൈറസിനെ കണ്ടെത്തിയതായി കഴിഞ്ഞ ദിവസമാണ് ചീഫ് മെഡിക്കല് ഓഫീസര് ലോകാരോഗ്യ സംഘടനയെ അറിയിച്ചത്.
കൊവിഡിന്റെ ഏറ്റവും മോശം അവസ്ഥ കഴിഞ്ഞുവെന്ന് ഡോ. ഹര്ഷ വര്ദ്ധന്
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam