ഉപ്പും പഞ്ചസാരയും അമിതമായി കഴിക്കാൻ പാടില്ലെന്ന് പറയുന്നതിന്റെ കാരണം

ഷേക്കുകൾ, പഴച്ചാറുകൾ, മിഠായികൾ, മധുര പലഹാരങ്ങൾ തുടങ്ങിയവയിൽ കൂടുതൽ മധുരം ചേർക്കുന്നത് ആരോ​ഗ്യത്തിന് ദോഷം ചെയ്യുമെന്ന് ഗുരുഗ്രാമിലെ ക്ലൗഡ്നൈൻ ഗ്രൂപ്പ് ഓഫ് ഹോസ്പിറ്റലിലെ സീനിയർ എക്സിക്യൂട്ടീവ് ന്യൂട്രീഷ്യനിസ്റ്റ് ശിവാനി ബൈജൽ പറഞ്ഞു.

ശരീരത്തിന്റെ സുഗമമായ പ്രവർത്തനത്തിൽ ഉപ്പും പഞ്ചസാരയും ഒരു പ്രധാന പങ്ക് വഹിക്കുന്നു. ഉപ്പ് ഒരു ധാതുവാണ്. ഇത് ദ്രാവകത്തിന്റെ അളവും പേശികളുടെ സങ്കോചങ്ങൾ നിയന്ത്രിക്കാനും ആവശ്യമാണ്. മറുവശത്ത്, പഞ്ചസാര ഒരു കാർബോഹൈഡ്രേറ്റിന്റെ ഒരു രൂപമാണ്.

എന്നിരുന്നാലും, അമിതമായ ഉപ്പിന്റെയും പഞ്ചസാരയുടെയും ഉപയോഗം പ്രതികൂലമായ ആരോഗ്യ ഫലങ്ങളുമായി ബന്ധപ്പെട്ടിരിക്കുന്നു എന്നത് നിഷേധിക്കാനാവില്ല. റെഡി-ടു ഈറ്റ് മീൽസ്, നൂഡിൽസ്, ചീസ്, ഉപ്പിട്ട ലഘുഭക്ഷണങ്ങളായ ചിപ്‌സ്, സംസ്കരിച്ച മാംസങ്ങളായ ബേക്കൺ എന്നിവയിൽ നിന്നോ അച്ചാറുകൾ, ജാം തുടങ്ങിയ പ്രിസർവേറ്റീവുകൾ അടങ്ങിയ ഭക്ഷണങ്ങൾ വഴിയോ ഉപ്പ് ഭക്ഷണത്തിൽ വരാം. 

ഷേക്കുകൾ, പഴച്ചാറുകൾ, മിഠായികൾ, മധുര പലഹാരങ്ങൾ തുടങ്ങിയവയിൽ കൂടുതൽ മധുരം ചേർക്കുന്നത് ആരോ​ഗ്യത്തിന് ദോഷം ചെയ്യുമെന്ന് ഗുരുഗ്രാമിലെ ക്ലൗഡ്നൈൻ ഗ്രൂപ്പ് ഓഫ് ഹോസ്പിറ്റലിലെ സീനിയർ എക്സിക്യൂട്ടീവ് ന്യൂട്രീഷ്യനിസ്റ്റ് ശിവാനി ബൈജൽ പറഞ്ഞു. ഉപ്പിന്റെയും പഞ്ചസാരയുടെ ഉപയോ​ഗം കുറയ്ക്കുക മാത്രമല്ല മറ്റ് പല കാര്യങ്ങൾ കൂടി ശ്രദ്ധിക്കേണ്ടതുണ്ട്. 

1. ഡൈനിംഗ് ടേബിളിൽ ടേബിൾ സാൾട്ട് ഷേക്കറുകൾ ഉപയോഗിക്കുന്നത് ഒഴിവാക്കുക.
2. ഉൽപ്പന്നം വാങ്ങുന്നതിന് മുമ്പ് ഭക്ഷണ ലേബലുകൾ കാണുക, വായിക്കുക.
3. ഉപ്പിട്ട ലഘുഭക്ഷണ ഉപഭോഗം പരിമിതപ്പെടുത്തുക.
4. റെഡി-ടു-ഈറ്റ് ഭക്ഷണത്തേക്കാൾ വീട്ടിൽ പാകം ചെയ്ത ഭക്ഷണത്തിന് മുൻഗണന നൽകുക.
5. ഭക്ഷണത്തിൽ സംസ്കരിച്ചതും പ്രിസർവേറ്റീവുകൾ അടങ്ങിയതുമായ ഭക്ഷണങ്ങൾ പരിമിതപ്പെടുത്തുക.