രാത്രിയിൽ ഉറങ്ങുന്നതിന് മുമ്പ് പാൽ കുടിക്കുന്ന ശീലമുണ്ടോ?

നല്ല ഉറക്കം ലഭിക്കാൻ പാൽ സഹായിക്കുമെന്ന് പഠനങ്ങൾ പറയുന്നു. ട്രിപ്റ്റോഫാൻ 7 എന്ന അമിനോ ആസിഡാണ് പാലിന്റെ ഉറക്കം വർധിപ്പിക്കുന്നത്. ട്രിപ്റ്റോഫാൻ അടങ്ങിയ ഭക്ഷണങ്ങൾ പ്രായമായവരിൽ ഉറക്കവും മാനസികാവസ്ഥയും മെച്ചപ്പെടുത്തുമെന്ന് തെളിയിക്കപ്പെട്ടിട്ടുണ്ട്.

ശരിയായ ഉറക്കം ലഭിക്കാതെയിരിക്കുക അല്ലെങ്കിൽ ഉറക്കക്കുറവ് ആധുനിക സമൂഹത്തിൽ പലരെയും അലട്ടുന്ന പ്രശ്നമാണ്. പ്രായമേറിയവരിലാണ് കൂടുതലും ഇത് കാണുന്നതെങ്കിലും മാനസികപിരിമുറുക്കമുള്ളവരിൽ ഉറക്കക്കുറവ് ഒരു സാധാരണലക്ഷണമാണ്. ഉറക്കമില്ലായ്മയും പല രോഗങ്ങളോട് അനുബന്ധിച്ച് കാണാറുണ്ട്. രക്താതിമർദം, മാനസികപ്രശ്നങ്ങൾ, പെട്ടെന്നു ദേഷ്യം വരിക, മലബന്ധം തുടങ്ങിയ പല ലക്ഷണങ്ങളും ഉറക്കക്കുറവിനോട് അനുബന്ധിച്ച് കാണാറുണ്ട്.  

നല്ല ഉറക്കം ലഭിക്കാൻ പാൽ സഹായിക്കുമെന്ന് പഠനങ്ങൾ പറയുന്നു. ട്രിപ്റ്റോഫാൻ 7 എന്ന അമിനോ ആസിഡാണ് പാലിന്റെ ഉറക്കം വർധിപ്പിക്കുന്നത്. ട്രിപ്റ്റോഫാൻ അടങ്ങിയ ഭക്ഷണങ്ങൾ പ്രായമായവരിൽ ഉറക്കവും മാനസികാവസ്ഥയും മെച്ചപ്പെടുത്തുമെന്ന് തെളിയിക്കപ്പെട്ടിട്ടുണ്ട്.

സെറോടോണിൻ, മെലറ്റോണിൻ എന്നിവയുടെ ഉത്പാദനത്തിൽ ട്രിപ്റ്റോഫാൻ ഒരു പ്രധാന പങ്ക് വഹിക്കുന്നു. സെറോടോണിൻ ഒരു ന്യൂറോ ട്രാൻസ്മിറ്ററാണ്. അത് മൂഡ്, കോഗ്നിറ്റീവ് റീസണിംഗ്, മെമ്മറി എന്നിവയെ സ്വാധീനിക്കുന്നു. 

രാത്രിയിൽ ഉറങ്ങാൻ നിങ്ങളെ സഹായിക്കുന്നതിന് ഇരുട്ടിനോട് പ്രതികരിക്കുന്നതിന് നിങ്ങളുടെ ശരീരം പുറപ്പെടുവിക്കുന്ന ഹോർമോണാണ് മെലറ്റോണിൻ. ഒരു കപ്പ് ചൂടുള്ള പാൽ, അൽപ്പം ഇഞ്ചി, ഏലയ്ക്ക, മഞ്ഞൾ എന്നിവ ചേർത്ത് കുടിക്കാൻ മറക്കരുത്. ഉറക്കസമയം പാൽ കുടിക്കുന്നത് നല്ല ഉറക്കം ലഭിക്കാൻ സഹായിക്കുന്നതായി വിദ​ഗ്ധർ പറയുന്നു.

പാലിൽ ട്രിപ്റ്റോഫാൻ എന്നറിയപ്പെടുന്ന അമിനോ ആസിഡുകൾ അടങ്ങിയിട്ടുണ്ട്. ഇത് നല്ല ഉറക്കത്തിന് കാരണമാകുന്നു. ഉറക്കവും ഉണരുന്ന ചക്രവും നിയന്ത്രിക്കുമെന്ന് പറയപ്പെടുന്ന മെലറ്റോണിനും ഇതിൽ അടങ്ങിയിട്ടുണ്ട്. അസ്ഥികളുടെ ആരോഗ്യം നിലനിർത്തുന്നതിനും കാൽസ്യം ധാരാളമായി ലഭിക്കുന്നതിനും പാൽ അത്യന്താപേക്ഷിതമാണെന്നും വൈകുന്നേരത്തെ ശാരീരിക പ്രവർത്തനങ്ങളുടെ അളവ് കുറയുന്നതിനാൽ കാൽസ്യം ആഗിരണം ചെയ്യുന്നത് രാത്രി സമയങ്ങളിൽ മികച്ചതാണെന്നും ചില വിദഗ്ധർ അഭിപ്രായപ്പെടുന്നു.

മലബന്ധം നേരിടുന്ന ആളുകൾക്കും തെറ്റായ ഭക്ഷണ ശീലങ്ങൾ ഉള്ളവർക്കും ഡോക്ടർ ചൂടുള്ള പാൽ ശുപാർശ ചെയ്യുന്നു...- ബാംഗ്ലൂർ ആസ്ഥാനമായുള്ള പോഷകാഹാര വിദഗ്ധൻ അഞ്ജു സൂദ് പറയുന്നു.