Blood Sugar Control : ഈ ലക്ഷണങ്ങൾ അവ​ഗണിക്കരുത്; രക്തത്തിലെ പഞ്ചസാരയുടെ അളവ് നിയന്ത്രിച്ചില്ലെങ്കിൽ...

രക്തത്തിലെ പഞ്ചസാരയുടെ അളവ് കൂടുന്നത് മാനസികാവസ്ഥ, ഊർജ്ജ നില, ഉറക്കം, ഭക്ഷണ ശീലങ്ങൾ, ചർമ്മത്തിന്റെ ആരോഗ്യം എന്നിവയെ പോലും ബാധിക്കാം. അതേസമയം നിങ്ങളുടെ ഗ്ലൂക്കോസിന്റെ അളവ് നിയന്ത്രിക്കുന്നത് സാധാരണവും ആരോഗ്യകരവുമായ ജീവിതം നയിക്കാൻ സഹായിക്കും. 

ഇന്ന് പലരേയും അലട്ടുന്ന രോ​ഗങ്ങളിലൊന്നാണ് പ്രമേഹം (Diabetes). ഇന്ത്യയിൽ പ്രമേഹ രോഗികളുടെ എണ്ണം ദിനംപ്രതി വർദ്ധിച്ച് വരികയാണ്. പാൻക്രിയാസ് പുറപ്പെടുവിക്കുന്ന ഇൻസുലിൻ ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും പ്രമേഹത്തിന്റെ അവസ്ഥയിലും ആവശ്യത്തിന് ഇൻസുലിൻ പുറത്തുവിടുകയോ ഇൻസുലിൻ വേണ്ടത്ര ഉപയോഗിക്കാൻ ശരീരത്തിന് കഴിയാതിരിക്കുകയോ ചെയ്യുന്നു. ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നതിലേക്ക് നയിക്കുന്നു.

പ്രമേഹത്തിന് പ്രത്യേക ചികിത്സകളൊന്നുമില്ല. മറിച്ച് ദൈനംദിന ജീവിതത്തിൽ ഉൾപ്പെടുത്തേണ്ട നിരവധി ജീവിതശൈലി മാറ്റങ്ങളുണ്ട്. രക്തത്തിലെ പഞ്ചസാരയുടെ അളവ് കൂടുന്നത് മാനസികാവസ്ഥ, ഊർജ്ജ നില, ഉറക്കം, ഭക്ഷണ ശീലങ്ങൾ, ചർമ്മത്തിന്റെ ആരോഗ്യം എന്നിവയെ പോലും ബാധിക്കാം.

അതേസമയം നിങ്ങളുടെ ഗ്ലൂക്കോസിന്റെ അളവ് നിയന്ത്രിക്കുന്നത് സാധാരണവും ആരോഗ്യകരവുമായ ജീവിതം നയിക്കാൻ സഹായിക്കും. നിങ്ങൾക്ക് അനാരോഗ്യകരമായ ഭക്ഷണത്തോട് താൽപ്പര്യമില്ലെങ്കിൽ ദിവസം മുഴുവൻ നല്ല ഏകാഗ്രതയുണ്ടെങ്കിൽ പ്രമേഹത്തെ നിയന്ത്രിക്കാൻ നിങ്ങൾക്ക് കഴിയുമെന്നാണ് ഇതിനർത്ഥം.

അനിയന്ത്രിതമായ പ്രമേഹം എന്നാൽ നിങ്ങളുടെ രക്തത്തിലെ ഗ്ലൂക്കോസിന്റെ അളവ് ഒരു ഡെസിലിറ്ററിന് 180 മില്ലിലിറ്റർ (ml/dL) അല്ലെങ്കിൽ അതിൽ കൂടുതലണ്ടെങ്കിലാണ്. അനിയന്ത്രിതമായ പ്രമേഹത്തിന്റെ ദീർഘകാല പ്രത്യാഘാതങ്ങളിൽ നിങ്ങളുടെ വൃക്കകൾ, ഞരമ്പുകൾ, ഹൃദയം, മറ്റ് സുപ്രധാന അവയവങ്ങൾ എന്നിവയ്ക്ക് തകാരാറുകൾ ഉണ്ടാകാം.  പ്രമേഹ സങ്കീർണതകളിൽ നിന്ന് മുക്തി നേടുന്നതിന് കുറഞ്ഞ ജിഐ ഭക്ഷണം കഴിക്കുക എന്നതാണ് പ്രധാനം.

'രക്തത്തിലെ പഞ്ചസാര നമ്മുടെ ശരീരത്തിലെ എല്ലാ കോശങ്ങളെയും അവയവങ്ങളെയും പ്രക്രിയയെയും ബാധിക്കുന്നു. അതിനാൽ ഇത് നമ്മുടെ ആരോ​ഗ്യത്തെ ബാധിക്കുന്നു...' - പോഷകാഹാര വിദഗ്ധൻ ഭക്തി കപൂർ തന്റെ  ഇൻസ്റ്റാഗ്രാമിൽ പങ്കുവച്ച പോസ്റ്റിൽ പറയുന്നു. ദൈനംദിന ജീവിതത്തിൽ ഉയർന്ന രക്തത്തിലെ പഞ്ചസാരയുടെ ചില പാർശ്വഫലങ്ങൾ എന്താക്കെ എന്നതാണ് താഴേ പറയുന്നത്...

ഒന്ന്...

രക്തത്തിലെ പഞ്ചസാരയുടെ അളവ് കൂടുന്നത് ഊർജ്ജ നില വളരെ വേഗത്തിൽ കുറയുന്നു. നിങ്ങളുടെ ദൈനംദിന ജോലികളെയും അത് ബാധിക്കുന്നു.

രണ്ട്...

അനിയന്ത്രിതമായ രക്തത്തിലെ പഞ്ചസാര അളവ് അനാവശ്യമായ ഉത്കണ്ഠയ്ക്ക് കാരണമാകും. ഇത് നിങ്ങളുടെ അസന്തുലിതമായ ഹോർമോണുകളുടെ മറ്റൊരു പാർശ്വഫലമാണ്.

മൂന്ന്...

നിങ്ങൾക്ക് ഉദ്ദേശിച്ച രീതിയിൽ ശരീരഭാരം കുറയ്ക്കാൻ കഴിയുന്നില്ലെങ്കിൽ രക്തത്തിലെ പഞ്ചസാരയുടെ അളവ് പരിശോധിക്കുന്നത് നല്ലതായിരിക്കും.

നാല്...

രാത്രിയിൽ നന്നായി ഉറങ്ങാൻ സാധിക്കാത്തത് രക്തത്തിലെ പഞ്ചസാരയുടെ നിയന്ത്രണത്തിൽ പ്രശ്നമുണ്ടെന്നതാണ് സൂചിപ്പിക്കുന്നത്. 

അഞ്ച്...

രക്തത്തിലെ പഞ്ചസാരയുടെ മോശം നിയന്ത്രണം അമിതമായി ഭക്ഷണം കഴിക്കാൻ ഇടയാക്കും. ഇത് ശരീരഭാരം വർദ്ധിപ്പിക്കും.

ആറ്...

രക്തത്തിലെ പഞ്ചസാരയുടെ അളവ് നിയന്ത്രണത്തിലല്ലാത്തത് ശരീരത്തിന്റെ വിവിധ അവയവങ്ങളിൽ വീക്കം ഉണ്ടാക്കുകയും പ്രമേഹത്തിന്റെ സങ്കീർണതകൾ വർദ്ധിപ്പിക്കുകയും ചെയ്യുന്നു.