ആരോഗ്യമുള്ള ചർമ്മത്തിനും മുടിയ്ക്കും വേണം ഈ പോഷകങ്ങൾ

ആരോഗ്യമുള്ള ചർമ്മത്തിനും മുടിയ്ക്കുമായി പ്രധാനമായ 4 തരം ഭക്ഷണങ്ങളുണ്ട് - ധാതുക്കൾ, വിറ്റാമിനുകൾ, അമിനോ ആസിഡുകൾ, ഫാറ്റി ആസിഡുകൾ. ധാതുക്കളായ ഇരുമ്പ്, മഗ്നീഷ്യം, കാൽസ്യം, ചെമ്പ്, സിങ്ക് തുടങ്ങിയവ. 

ആരോഗ്യമുള്ള ചർമ്മവും മുടിയ്ക്കുമായി വിവിധ ക്രീമികളും എണ്ണകളും ഉപയോ​ഗിച്ച് പരാജയപ്പെട്ടവരാകും നമ്മളിൽ പലരും. നമ്മുടെ ചർമ്മത്തിന്റെയും മുടിയുടെയും ആരോഗ്യത്തിൽ പോഷകാഹാരം വഹിക്കുന്ന പങ്ക് അവഗണിക്കാതിരിക്കേണ്ടത് പ്രധാനമാണ്.

ശരീരം നൽകുന്ന ഭക്ഷണം ചർമ്മത്തിൽ പ്രതിഫലിപ്പിക്കുന്നത് പോലെ ആന്തരിക പരിചരണവും പ്രധാനമാണ്. ആരോഗ്യകരമായ ഭക്ഷണം കഴിക്കുന്നത് തികച്ചും അനിവാര്യമാണ്. ശരിയായതും മികച്ചതുമായ പോഷകാഹാരം നൽകുന്നതിന് നിങ്ങളുടെ ഭക്ഷണം സമീകൃതമാണെന്ന് ഉറപ്പാക്കേണ്ടതുണ്ട്. 

ആരോഗ്യമുള്ള ചർമ്മത്തിനും മുടിയ്ക്കുമായി പ്രധാനമായ 4 തരം ഭക്ഷണങ്ങളുണ്ട് - ധാതുക്കൾ, വിറ്റാമിനുകൾ, അമിനോ ആസിഡുകൾ, ഫാറ്റി ആസിഡുകൾ. ധാതുക്കളായ ഇരുമ്പ്, മഗ്നീഷ്യം, കാൽസ്യം, ചെമ്പ്, സിങ്ക് തുടങ്ങിയവ. മുഖക്കുരുവിനെ നിയന്ത്രിക്കുകയും നഖത്തിന്റെയും മുടിയുടെയും വളർച്ചയെ പ്രോത്സാഹിപ്പിക്കുകയും ചെയ്യുന്ന ഒരു മികച്ച ആന്റിഓക്‌സിഡന്റാണ് സിങ്ക്. ചർമ്മത്തിന്റെ ഇലാസ്തികത വർദ്ധിപ്പിക്കുന്ന കൊളാജന്റെ പക്വതയെ പ്രോത്സാഹിപ്പിക്കുന്നതിനും ചെമ്പ് സഹായകമാണ്. ഇരുമ്പ് മുടിയുടെ ഘടന മെച്ചപ്പെടുത്താൻ സഹായിക്കുന്നു. 
 റാ സ്കിൻ ആൻഡ് എസ്തെറ്റിക്സിലെ കോസ്മെറ്റിക് ഡെർമറ്റോളജിസ്റ്റായ ഡോ. രശ്മി ഷെട്ടി പറയുന്നു.

ടൗറിൻ, അർജിനിൻ, ഗ്ലൈസിൻ, ലൈസിൻ, സിസ്റ്റൈൻ, മെഥിയോണിൻ തുടങ്ങിയ അമിനോ ആസിഡുകൾ വളർച്ചാ പ്രോട്ടീനുകൾ നിർമ്മിക്കാൻ സഹായിക്കുന്ന ബിൽഡിംഗ് ബ്ലോക്കുകളാണ്. ടോറിൻ കെരാറ്റിൻ ഉൽപ്പാദിപ്പിക്കുന്ന പുറംതൊലി കോശങ്ങളായ കെരാറ്റിനോസൈറ്റുകളെ ശക്തിപ്പെടുത്തുകയും ഹൈഡ്രേറ്റ് ചെയ്യുകയും ചെയ്യുന്നു. ഇത് അകാല വാർദ്ധക്യത്തിൽ നിന്നും പാരിസ്ഥിതിക വിഷങ്ങളിൽ നിന്നും സംരക്ഷിക്കുന്നു. മറ്റ് അമിനോ ആസിഡുകളും മുടി വളർച്ചയെ സുഗമമാക്കുകയും വീക്കം കുറയ്ക്കുകയും ചെയ്യുന്നു.

എ, ബി 1, ബി 5, ബി 7 (ബയോട്ടിൻ), വിറ്റാമിൻ സി, ഡി എന്നിവ നല്ല ചർമ്മത്തിന്റെയും മുടിയുടെയും ആരോഗ്യത്തിന് സുപ്രധാന പോഷകങ്ങളാണ്. വിറ്റാമിൻ ഡി അകാല വാർദ്ധക്യത്തെ തടയുന്നു. ചർമ്മത്തിന്റെ ഘടനയിലും ആരോഗ്യത്തിലും പ്രത്യേക പ്രാധാന്യമുള്ള കോശവളർച്ചയിൽ വിറ്റാമിൻ എ ഒരു പ്രധാന പങ്ക് വഹിക്കുന്നു.