ഒഡീഷയില് തീവണ്ടി കൂട്ടിയിടിച്ച് തീപിടുത്തം; മൂന്ന് റെയില്വേ ജീവനക്കാര് പൊള്ളലേറ്റ് മരിച്ചു
Synopsis
റെയില്വേ പാളത്തില് അറ്റകുറ്റപ്പണി നടത്തുന്ന തീവണ്ടി എഞ്ചിനും സമലേശ്വരി എക്സ്പ്രസും തമ്മിലാണ് കൂട്ടിയിടിച്ചത്.
ഭുവനേശ്വര്: ഒഡീഷയില് തീവണ്ടി കൂട്ടിയിടിച്ചുണ്ടായ തീപിടുത്തത്തില് മൂന്ന് റെയില്വേ ജീവനക്കാര് മരിച്ചു. ഹൗറ-ജഗ്ദല്പുര് സമലേശ്വരി എക്സ്പ്രസിനാണ് തീപിടിച്ചത്. അപകടത്തില് നാല് യാത്രക്കാര്ക്ക് പരിക്കേറ്റു.
റായഗഡ ജില്ലയിലെ സിങ്കപുര് - കേതഗുഡ സ്റ്റേഷനുകള്ക്കിടയില് വച്ച് വൈകിട്ട് 4.30-തിനാണ് അപകടം നടന്നത്. റെയില്വേ പാളത്തില് അറ്റകുറ്റപ്പണി നടത്തുന്ന തീവണ്ടി എഞ്ചിനും സമലേശ്വരി എക്സ്പ്രസും തമ്മിലാണ് കൂട്ടിയിടിച്ചത്. കൂട്ടിയിടിയില് രണ്ട് കോച്ചുകള് പാളം തെറ്റുകയും എഞ്ചിന് ബോഗിയില് നിന്ന് വേര്പെടുകയും ചെയ്തു. തീപിടുത്തത്തെ കുറിച്ച് അന്വേഷണം നടത്താന് റെയില്വേ ഉത്തരവിട്ടു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam