മോഷണത്തിനിടെ എയര് ഇന്ത്യ പൈലറ്റ് പിടിയില്
Synopsis
മാനേജ്മെന്റിന്റെ സമ്മതം കൂടാതെ എയര് ഇന്ത്യ ഓഫീസില് പ്രവേശിക്കുന്നതിനും ഇയാള്ക്ക് വിലക്കുണ്ട്.
ദില്ലി: ഡ്യൂട്ടി ഫ്രീ ഷോപ്പിലെ മോഷണശ്രമത്തിനിടെ എയര് ഇന്ത്യയിലെ സീനിയര് പൈലറ്റ് പിടിയില്. ശനിയാഴ്ച സിഡ്നി വിമാനത്താവളത്തില് വച്ചാണ് പൈലറ്റിനെ പിടികൂടിയത്. എയര് ഇന്ത്യ റീജണല് ഡയറക്ടറും മുതിര്ന്ന കമാന്ഡറുമായ രോഹിത് ഭാസിനാണ് മോഷണത്തിനിടെ പിടിയിലായത്. സംഭവത്തെ തുടര്ന്ന് ഇയാളെ എയര് ഇന്ത്യ സസ്പെന്ഡ് ചെയ്തു.
സിഡ്നിയില് നിന്ന് ദില്ലിയിലേക്കുള്ള എയര് ഇന്ത്യ എ എല് 310 വിമാനം പറത്താന് ചുമതലപ്പെട്ട രോഹിത് വിമാനത്താവളത്തിലെ ഡ്യൂട്ടി ഫ്രീ ഷോപ്പില് നിന്നും പഴ്സ് മോഷ്ടിക്കാന് ശ്രമിക്കുന്നതിനിടെയാണ് പിടിയിലായത്.
രോഹിത് പിടിയിലായതോടെ ഇയാളെ ചുമതലകളില് നിന്ന് ഒഴിവാക്കിയതായും സസ്പെന്ഡ് ചെയ്തതായും എയര് ഇന്ത്യ അറിയിച്ചു. മാനേജ്മെന്റിന്റെ സമ്മതം കൂടാതെ എയര് ഇന്ത്യ ഓഫീസില് പ്രവേശിക്കുന്നതിനും ഇയാള്ക്ക് വിലക്കുണ്ട്. സംഭവം വിശദമായി അന്വേഷിക്കാന് ഉത്തരവിറക്കി.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam