നിര്ബന്ധിത മതപരിവര്ത്തന ആരോപണം; യുപിയിൽ മലയാളി പാസ്റ്റര് അറസ്റ്റിൽ
Synopsis
നിര്ബന്ധിത മതപരിവര്ത്തനം ആരോപിച്ച് ഉത്തര്പ്രദേശിൽ മലയാളി പാസ്റ്റര് അറസ്റ്റിലായി. ഉത്തര്പ്രദേശിലെ സിക്കന്തര്പൂരിലാണ് പാസ്റ്റര് ജോസ് തോമസ് അറസ്റ്റിലായത്
ദില്ലി: നിര്ബന്ധിത മതപരിവര്ത്തനം ആരോപിച്ച് ഉത്തര്പ്രദേശിൽ മലയാളി പാസ്റ്റര് അറസ്റ്റിലായി. ഉത്തര്പ്രദേശിലെ സിക്കന്തര്പൂരിലാണ് പാസ്റ്റര് ജോസ് തോമസ് അറസ്റ്റിലായത്. ആളുകള്ക്ക് പണവും ജോലിയും വാഗ്ദാനം ചെയ്ത് മതപരിവര്ത്തനം നടത്തിയെന്നാണ് കേസ്. മതപരിവര്ത്തന നിരോധന നിയമപ്രകാരമാണ് യുപി പൊലീസ് പാസ്റ്റര്ക്കെതിരെ കേസെടുത്തത്. ഹിന്ദു ദൈവങ്ങളെ ആക്ഷേപിച്ചെന്നും പരാതിയുണ്ട്.അഞ്ചാം നമ്പര് വാര്ഡില് താമസിക്കുകയായിരുന്ന പാസ്റ്റര് കുറച്ചുദിവസങ്ങളായി ആളുകളെ നിര്ബന്ധിത മതപരിവര്ത്തനം നടത്തുന്നുവെന്നാരോപിച്ച് ബജ്റംഗ്ദളിന്റെ ജില്ലാ കോഓര്ഡിനേറ്ററാണ് പൊലീസിൽ പരാതി നൽകിയത്. ഇന്നലെയാണ് പാസ്റ്ററെ അറസ്റ്റ് ചെയ്തത്. താമസിച്ചിരുന്ന മുറിയിൽ നിന്ന് മതപരമായ പുസ്തകങ്ങളടക്കം പിടിച്ചെടുത്തു. കുറച്ചുദിവസം മുമ്പാണ് പാസ്റ്റര് സിക്കന്തര്പൂരിലെത്തിയതെന്നാണ് പറയുന്നത്. ബിഹാറിലെ പട്നയിലായിരുന്നു നേരത്തെ താമസിച്ചിരുന്നതെന്നുമാണ് വിവരം. കേരളത്തിൽ തിരുവനന്തപുരം സ്വദേശിയാണ് ജോസ് തോമസ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam