അനിൽ അംബാനിയുടെ ഫോണും പെഗാസസ് പട്ടികയിൽ! നിരീക്ഷണത്തിലായത് റഫാൽ വിവാദത്തിന് പിന്നാലെ

റഫാൽ വിവാദം ശക്തമായ സമയത്താണ് അനിൽ അമ്പാനിയുടെ ഫോൺ നിരീക്ഷിക്കപ്പെട്ടതെന്നാണ് റിപ്പോർട്ട്. 

ദില്ലി: അനിൽ അംബാനിയുടെ ഫോണും പെഗാസസ് പട്ടികയിൽ. 2018ൽ 36 റഫാൽ  വിമാനങ്ങൾ വാങ്ങാനുള്ള നീക്കത്തെ ചൊല്ലിയുള്ള വിവാദം കൊടുമ്പിരികൊണ്ട സമയത്താണ് അനിൽ അമ്പാനിയുടെയും റിലയൻസ് എഡിഎ ഗ്രൂപ്പിലെ മറ്റൊരു ഉദ്യോഗസ്ഥന്റെയും ഫോൺ നിരീക്ഷണത്തിലാക്കിയതെന്നാണ് റിപ്പോർട്ട്. 

കോർപ്പറേറ്റ് കമ്മ്യൂണിക്കേഷൻസ് തലവൻ ടോണി യേശുദാസന്റെ നമ്പറാണ് പെഗാസസ് വഴി നിരീക്ഷണത്തിലാക്കിയത്. ഇയാളുടെ ഭാര്യയുടെ നമ്പറും പട്ടികയിൽ ഉണ്ട്.  പട്ടികയിൽ ഉള്ള അനിൽ അമ്പാനിയുടെ നമ്പർ ഇപ്പോഴും ഉപയോഗത്തിലുണ്ടോ എന്നതിൽ വ്യക്തയില്ല.