അടൽ ബിഹാരി വാജ്പേയിയെ അനുസ്മരിച്ച് രാജ്യം

രാജ്യപുരോഗതിക്ക് വാജ്പേയ് നൽകിയ സംഭാവനകൾ രാഷ്ട്രം എന്നും സ്മരിക്കുമെന്ന് പ്രധാനമന്ത്രി നരേന്ദ്ര മോദി ട്വിറ്ററിൽ കുറിച്ചു.

ദില്ലി: മുൻ പ്രധാനമന്ത്രി അടൽ ബിഹാരി വാജ്പേയിയെ അനുസ്മരിച്ച് രാജ്യം. രാഷ്ട്രപതി രാംനാഥ് കോവിന്ദ്, ഉപരാഷ്ട്രപതി എം വെങ്കയ്യ നായിഡു, പ്രധാനമന്ത്രി നരേന്ദ്ര മോദി, ബിജെപി ദേശീയ അദ്ധ്യക്ഷൻ ജെ പി നദ്ദ തുടങ്ങിയവർ വാജ്പേയിയുടെ സമാധി സ്ഥലമായ  രാജ്ഘട്ടിലെ സദയവ് അടലിൽ പുഷ്പ്പാർച്ചന നടത്തി.

രാജ്യപുരോഗതിക്ക് വാജ്പേയ് നൽകിയ സംഭാവനകൾ രാഷ്ട്രം എന്നും സ്മരിക്കുമെന്ന് പ്രധാനമന്ത്രി നരേന്ദ്ര മോദി ട്വിറ്ററിൽ കുറിച്ചു. കേന്ദ്ര ആഭ്യന്തര മന്ത്രി അമിത് ഷാ, യു പി മുഖ്യമന്ത്രി യോഗി ആദിത്യ നാഥ് ഉൾപ്പെടെ പ്രമുഖർ വാജ്പേയെ അനുസ്മരിച്ചു. അടൽ ബിഹാരി വാജ്പേയിയുടെ രണ്ടാം ചരമവാർഷികമാണിന്ന്.