hijab row verdict : സ്വാഗതം ചെയ്ത് കേന്ദ്രം; വിധി അംഗീകരിക്കണമെന്ന് കേന്ദ്രമന്ത്രി പ്രള്ഹാദ് ജോഷി
Synopsis
hijab row verdict : വിദ്യാർത്ഥികളുടെ അടിസ്ഥാന കർതവ്യം പഠിക്കുക എന്നതാണ്. അതിനാൽ ബാക്കി എല്ലാം മാറ്റി വച്ച് വിദ്യാർത്ഥികൾ പഠിക്കണമെന്നും മന്ത്രി പറഞ്ഞു.
ദില്ലി: വിദ്യാഭ്യാസ സ്ഥാപനങ്ങളില് ഹിജാബ് (Hijab Ban Verdict) വേണ്ടെന്ന ഹൈക്കോടതി വിധി സ്വാഗതം ചെയ്ത് കേന്ദ്രസർക്കാര് (Central government). തീരുമാനം എല്ലാവരും അംഗീകരിക്കണമെന്ന് കേന്ദ്ര മന്ത്രി പ്രള്ഹാദ് ജോഷി പറഞ്ഞു. സംസ്ഥാനത്തിനും രാജ്യത്തിനും മുന്നോട്ട് പോകേണ്ടതുണ്ട്. വിദ്യാര്ത്ഥികളുടെ അടിസ്ഥാന കര്ത്തവ്യം പഠിക്കുക എന്നതാണെന്നും മറ്റെല്ലാം മാറ്റി വെച്ച് പഠിക്കണമെന്നും പ്രള്ഹാദ് ജോഷി പറഞ്ഞു. കർണാടകയിലെ ഹിജാബ് വിഷയം നിയമസഭാ തെരഞ്ഞെടുപ്പുകളിലടക്കം ഉന്നയിച്ച് ബിജെപി പ്രചാരണം നടത്തിയിരുന്നു. അമിത് ഷാ അടക്കമുള്ള നേതാക്കളാണ് ഹിജാബ് വിദ്യാലയങ്ങളില് ധരിക്കുന്നതിനെതിരെ ശക്തമായ വിമർശനം ഉന്നയിച്ചിരുന്നത്. ഹിജാബ് വിദ്യാലയങ്ങളില് വേണ്ടെന്ന കര്ണാടക ഹൈക്കോടതി വിധിയോടെ ബിജെപി ഭരിക്കുന്ന മറ്റ് സംസ്ഥാനങ്ങളിലും നിരോധനം വന്നേക്കും. മധ്യപ്രദേശിലും നിരോധനത്തിനുള്ള നീക്കങ്ങള് നടന്നിരുന്നു. ത്രിപുരയിലും ബിഹാറിലും നിരോധനം വേണമെന്ന് ഒരു വിഭാഗം ആവശ്യപ്പെടുന്നുണ്ട്.
ഹിജാബ് മൗലികാവാകാശങ്ങളുടെ ഭാഗമാണെന്ന് ചൂണ്ടികാട്ടി കര്ണാടകയിലെ ഒരു സംഘം വിദ്യാര്ത്ഥിനികളാണ് ഹര്ജി നല്കിയിരുന്നത്. വിവിധ സംഘടനകളും കേസില് കക്ഷി ചേര്ന്നിരുന്നു. ഹിജാബ് ഇസ്ലാം മതത്തില് അടിസ്ഥാനഘടകമല്ലെന്നാണ് ഹൈക്കോടതി വിധിയില് പറയുന്നത്. ഹിജാബ് മതാചാരങ്ങളുടെയും മൗലികാവകാശങ്ങളുടെയും ഭാഗമല്ലെന്നാണ് സര്ക്കാര് നിലപാട്. ഹിജാബ് മതാചാരത്തിന്റെ ഭാഗമെന്ന് തെളിയിക്കാൻ നിലവിൽ വസ്തുതകളില്ലെന്ന് സർക്കാർ ചൂണ്ടികാട്ടിയിരുന്നു. ഭരണഘടനയുടെ 25-ാം അനുച്ഛേദം ഹിജാബിന്റെ കാര്യത്തിൽ ബാധകമല്ലെന്നാണ് സര്ക്കാര് വാദം. പതിനൊന്ന് ദിവസം കേസില് വാദം കേട്ടിരുന്നു.
അതേസമയം ഹിജാബ് ഉത്തരവ് വരുന്ന പശ്ചാത്തലത്തില് കര്ണാടകയില് വിവിധയിടങ്ങളില് നിരോധനാജ്ഞ പ്രഖ്യാപിച്ചു. ബെംഗ്ലൂരു, കലബുര്ഗി, ഹാസ്സന്, ദാവന്കരെ എന്നിവടങ്ങളിലാണ് നിരോധനാജ്ഞ. ഉഡുപ്പിയും ദക്ഷിണകന്നഡിയിലും വിദ്യാഭ്യാസ സ്ഥാപനങ്ങള്ക്ക് ഇന്ന് അവധി നല്കിയിരിക്കുകയാണ്. വിധിക്ക് മുമ്പ് കർണാടക ആഭ്യന്തരമന്ത്രി അരഗ ജ്ഞാനേന്ദ്ര മുഖ്യമന്ത്രി ബസവരാജ ബൊമ്മയുമായി കൂടിക്കാഴ്ച നടത്തിയിരുന്നു. നാല് മാസത്തിലേറെ നീണ്ട പ്രതിഷേധങ്ങള്ക്കും സംഘര്ഷങ്ങള്ക്കുമൊടുവിലാണ് ഹിജാബ് കേസില് കര്ണാടക ഹൈക്കോടതി ഇന്ന് വിധി പറയുന്നത്. ഉഡുപ്പിയിലെ സര്ക്കാര് കോളേജില് തുടങ്ങിയ എതിര്പ്പാണ് രാജ്യവ്യാപക പ്രതിഷേധങ്ങള്ക്ക് വഴിമാറിയത്. ഹിജാബ് അനുവദിക്കാത്തതിന്റെ പേരില് ഇരുന്നൂറ്റിയമ്പതോളം വിദ്യാര്ത്ഥിനികളാണ് ഇതുവരെ പരീക്ഷ ബിഹിഷ്കരിച്ചത്. ഒരു കാരണവശാലും വിദ്യാഭ്യാസ സ്ഥാപനങ്ങളില് മതാചാര വസ്ത്രങ്ങള് അനുവദിക്കില്ലെന്ന ഉറച്ച നിലപാടിലാണ് സര്ക്കാര്. കർണാടക ഹൈക്കോടതി ഉത്തരവ് കൂടി വന്നതോടെ സർക്കാരിന് ഉറച്ച നിലപാട് തുടരാം.
ഉഡുപ്പി പിയു കോളേജില് ഹിജാബ് ധരിച്ചെത്തിയ ആറ് വിദ്യാര്ത്ഥിനികളെ തടഞ്ഞതോടെയാണ് വിവാദങ്ങളുടെ തുടക്കം. കാലങ്ങളായി ഹിജാബും ബുര്ഖയും മാറ്റിയ ശേഷമേ വിദ്യാര്ത്ഥിനികളെ അനുവദിച്ചിരുന്നുള്ളൂവെന്ന് കോളേജ് അധികൃതര് നിലപാട് സ്വീകരിച്ചതോടെ പ്രതിഷേധം കടുത്തു. വിദ്യാര്ത്ഥിനികള്ക്ക് പിന്തുണയുമായി കൂടുതല് സംഘടനകള് രംഗത്തെത്തി. പിന്നാലെ മംഗ്ലൂരുവിലും മാണ്ഡ്യയിലും സര്ക്കാര് കോളേജുകളില് ഹിജാബ് ധരിച്ചെത്തിയവരെ തടഞ്ഞു. കാവി ഷാള് ധരിച്ച് മറ്റൊരു വിഭാഗം വിദ്യാര്ത്ഥികളും കോളേജുകളിലേക്ക് എത്തിയതോടെ പ്രതിഷേധം സംഘര്ഷങ്ങള്ക്ക് വഴിമാറി. പ്രതിഷേധം തെരുവുകളിലേക്ക് വ്യാപിച്ചു. പ്രതിഷേധം കനത്തതോടെ വിദ്യാഭ്യാസ വിദഗ്ധര് ഉള്പ്പെട്ട പ്രത്യേക സമിതിക്ക് സര്ക്കാര് രൂപം നല്കി. എന്നാല് ഹിജാബ് അനുവദിക്കേണ്ടതില്ല എന്നായിരുന്നു സമിതി ശുപാര്ശ. പിന്നാലെ ഫെബ്രുവരി 5-ന് മതാചാര വസ്ത്രങ്ങള് വിദ്യാഭ്യാസ സ്ഥാപനങ്ങളില് നിരോധിച്ച് സര്ക്കാര് ഉത്തരവിറക്കി. ഇത് ചോദ്യം ചെയ്ത് ഉഡുപ്പിയിലെ ആറ് വിദ്യാര്ത്ഥിനികളാണ് ഹൈക്കോടതിയെ സമീപിച്ചത്. വിവിധ സംഘടനകളും കേസില് കക്ഷി ചേര്ന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam