തൈരിന് രണ്ട് രൂപ ജി എസ് ടി: ഹോട്ടലിന് 15,000 രൂപ പിഴ
Synopsis
കണ്സ്യൂമര് ഫോറത്തെ സമീപിച്ചാണ് ഉപഭോക്താവ് അനുകൂല വിധി നേടിയത്. തൈരിന് ജി എസ് ടി ഈടാക്കാന് നിയമമില്ലെന്ന് കണ്സ്യൂമര് കോടതി കണ്ടെത്തി.
തിരുനെല്വേലി: തൈരിന് രണ്ട് രൂപ ജിഎസ്ടി ഈടാക്കിയ ഹോട്ടലിന് 15000 രൂപ പിഴ ചുമത്തി. 40 രൂപയുടെ തൈരിന് രണ്ട് രൂപ ജി.എസ്.ടിയും രണ്ട് രൂപ പാക്കേജിംഗ് നിരക്കും ഈടാക്കിയതിനെതിരെ ഉപഭോക്താവ് നിയമനടപടി സ്വീകരിക്കുകയായിരുന്നു.
കണ്സ്യൂമര് ഫോറത്തെ സമീപിച്ചാണ് ഉപഭോക്താവ് അനുകൂല വിധി നേടിയത്. തൈരിന് ജിഎസ്ടി ഈടാക്കാന് നിയമമില്ലെന്ന് കണ്സ്യുമര് കോടതി കണ്ടെത്തി.
രണ്ട് വിഭാഗത്തെയും കേട്ട ശേഷമാണ് കണ്സ്യൂമര് കോടതി ശിക്ഷ വിധിച്ചത്. പതിനായിരം രൂപ പിഴയും 5000 രൂപ പരാതിക്കാരന് കേസിന്റെ ചെലവായും നല്കാനാണ് കണ്സ്യൂമര് കോടതി ഉത്തരവിട്ടത്. ജി.എസ്.ടിയായും പാക്കേജിംഗ് ചര്ജായും വാങ്ങിയ അധിക നാല് രൂപയും മടക്കിക്കൊടുക്കാന് കണ്സ്യൂമര് കോടതി നിര്ദ്ദേശിച്ചു.
ഒരു മാസത്തിനകം പിഴയൊടുക്കിയില്ലെങ്കില് പരാതിക്കാരനില് നിന്ന് ആറ് ശതമാനം നിരക്കില് പലിശ ഈടാക്കുമെന്നും കണ്സ്യൂമര് കോടതി ഉത്തരവിട്ടു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam