ജനതാ കർഫ്യൂ ദിനത്തിൽ പുറത്തിറങ്ങിയവർക്ക് പനിനീർപ്പൂക്കൾ നൽകി തിരിച്ചയച്ച് ദില്ലി പൊലീസ്

കൊവിഡ് 19 പ്രതിരോധ പ്രവർത്തനങ്ങളുടെ ഭാഗമായി ജനതാ കർഫ്യൂ ആചരിക്കുകയാണ് രാജ്യം. ഇന്ന് ഏഴ് മണി മുതൽ രാത്രി 9 മണി വരെ പരമാവധി വീടിന് പുറത്തിറങ്ങരുതെന്നാണ് പ്രധാനമന്ത്രിയുടെ ആഹ്വാനം. 

ദില്ലി: ജനതാ കർഫ്യൂ ദിനത്തിൽ നിരത്തിലിറങ്ങുന്നവർക്ക് പനിനീർപൂക്കൾ നൽകി തിരിച്ചയക്കുകയാണ് ദില്ലി പൊലീസ്. രാജ്യ തലസ്ഥാനത്തെ തിരക്കേറിയ റോഡുകളെല്ലാം ഇന്ന് വിജനമാണ്. ഞായറാഴ്ച ദിവസത്തെ ജനത കർഫ്യൂവിൽ ദില്ലിയിലെ പൊതുഗതാഗത സംവിധാനങ്ങളെല്ലാം ഇന്ന് നിശ്ചലമാണെങ്കിലും സ്വകാര്യ വാഹനങ്ങളിലും മറ്റും ചുരുക്കും ചിലർ‍ ഇന്ന് പുറത്തിറങ്ങുകയുണ്ടായി. ഇവരെയാണ് ദില്ലി പൊലീസ് പനിനീർപ്പൂക്കൾ നൽകി തിരിച്ചയച്ചത്. 

ഞങ്ങളുടെ പ്രതിനിധി പി ആർ സുനിൽ പകർത്തിയ ചിത്രങ്ങൾ

വീഡിയോ റിപ്പോർട്ട് കാണാം.