വായുമലിനീകരണം രൂക്ഷം, ദില്ലിയിലെ പ്രൈമറി സ്കൂളുകള്ക്ക് ഒരാഴ്ച അവധി, 6 മുതല് 12 വരെയുള്ള ക്ലാസുകള് ഓണ്ലൈനിൽ
Synopsis
300ന് മുകളില് അതീവ ഗുരുതരമാണെന്നിരിക്കേ 460 ആണ് ദില്ലിയില് ഇന്ന് രാവിലെ രേഖപ്പെടുത്തിയ ശരാശരി വായുഗുണനിലവാര സൂചിക
ദില്ലി: വായുമലിനീകരണം ഗുരുതരമായി തുടരുന്ന സാഹചര്യത്തില് ദില്ലിയിലെ പ്രൈമറി സ്കൂളുകള്ക്ക് അവധി നീട്ടി നല്കി. അടുത്ത വെള്ളിയാഴ്ച വരെ അവധിയായിരിക്കുമെന്ന് വിദ്യാഭ്യാസമന്ത്രി അതിഷി അറിയിച്ചു. ആറ് മുതല് 12 വരെയുള്ള ക്ലാസുകള് ഓണ്ലൈനിലേക്ക് മാറാമെന്നും സര്ക്കാര് നിര്ദ്ദേശിച്ചു. 300ന് മുകളില് അതീവ ഗുരുതരമാണെന്നിരിക്കേ 460 ആണ് ദില്ലിയില് ഇന്ന് രാവിലെ രേഖപ്പെടുത്തിയ ശരാശരി വായുഗുണനിലവാര സൂചിക.
നിര്മ്മാണ പ്രവര്ത്തനങ്ങള്ക്ക് നിരോധനമേര്പ്പെടുത്തുമെന്നും, മലിനീകരണ തോത് കുറക്കാന് വാഹനങ്ങളുടെ എണ്ണം കുറക്കാന് നിര്ദ്ദേശം നല്കുമെന്നും വ്യക്തമാക്കിയ പരിസ്ഥിതി മന്ത്രി ഗോപാല് റായ്, പാഴ് വസ്തുക്കള് കൂട്ടിയിട്ട് കത്തിക്കരുതെന്നും നിര്ദ്ദേശം നല്കി. പഞ്ചാബില് കാര്ഷികാവശിഷ്ടങ്ങള് കത്തിക്കുന്നത് തടയാന് ശ്രമിച്ച ഉദ്യോഗസ്ഥര്ക്ക് നേരെ കര്ഷകര് പ്രതിഷേധിച്ചതായും റിപ്പോര്ട്ടുകളുണ്ട്.
ദില്ലിയിൽ വായു മലിനീകരണം രൂക്ഷം; ദീപാവലിക്ക് കൂടുതൽ നിയന്ത്രണങ്ങൾ ഏർപ്പെടുത്തും
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam