സംരക്ഷിത വനപ്രദേശ അതിര്ത്തിയില് പരിസ്ഥിതിലോലമേഖല നിര്ബന്ധം; സുപ്രീംകോടതി
Synopsis
ഈ മേഖലയില് ഒരു തരത്തിലുള്ള വികസന-നിര്മാണ പ്രവര്ത്തനങ്ങള്ക്കും അനുമതിയില്ല. നിലവില് ഈ മേഖലയില് നടക്കുന്ന വികസന പ്രവര്ത്തനങ്ങള് അതാതു സംസ്ഥാനങ്ങളിലെ ചീഫ് ഫോറസ്റ്റ് കണ്സര്വേറ്ററുടെ അനുമതിയോടു കൂടി മാത്രമേ തുടരാന് കഴിയുവെന്നും സുപ്രിം കോടതി ഉത്തരവില് പറയുന്നു.
ദില്ലി: സംരക്ഷിത വനമേഖലകളുടെ അതിര്ത്തിയില് നിന്നും ഒരു കിലോമീറ്റര് പരിസ്ഥിതി ലോല മേഖല നിര്ബന്ധമായും വേണമെന്ന് സുപ്രീംകോടതി. ഈ മേഖലയില് ഒരു തരത്തിലുള്ള വികസന-നിര്മാണ പ്രവര്ത്തനങ്ങള്ക്കും അനുമതിയില്ല. നിലവില് ഈ മേഖലയില് നടക്കുന്ന വികസന പ്രവര്ത്തനങ്ങള് അതാതു സംസ്ഥാനങ്ങളിലെ ചീഫ് ഫോറസ്റ്റ് കണ്സര്വേറ്ററുടെ അനുമതിയോടു കൂടി മാത്രമേ തുടരാന് കഴിയുവെന്നും സുപ്രിം കോടതി ഉത്തരവില് പറയുന്നു.
സംരക്ഷിത വനമേഖലയുടെ അനുബന്ധ പരിസ്ഥിതലോല പ്രദേശങ്ങളില് നിലവിലുള്ള നിര്മിതികളെക്കുറിച്ച് മൂന്നു മാസത്തിനകം സംസ്ഥാനങ്ങളിലെ ചീഫ് വൈല്ഡ് ലൈഫ് കണ്സര്വേറ്റര്മാര് റിപ്പോര്ട്ട് നല്കണമെന്നും കോടതി നിര്ദേശം നൽകി. നിലവില് ഇത്തരം പ്രദേശങ്ങളില് ഒരു കിലോമീറ്ററില് അധികം ബഫര് സോണ് ഉണ്ടെങ്കില് അതേപടി തന്നെ തുടരണമെന്നും കോടതി വ്യക്തമാക്കി. വനസംരക്ഷണവുമായി ബന്ധപ്പെട്ട സുപ്രീംകോടതിയുടെ മുന്നിലുള്ള ടി.എന് ഗോദവര്മന് തിരുമുല്പാടിന്റെ ഹര്ജിയിലാണ് നിര്ദേശം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam