മഹിളാ കോണ്‍ഗ്രസ് അധ്യക്ഷയും മുൻ ലോക്സഭാ അംഗവുമായ സുഷ്മിത ദേവിന് കൊവിഡ്‌

കൊവിഡ് വാർത്ത പുറത്തുവന്നതിന് പിന്നാലെ രാഹുൽ ​ഗാന്ധിയും പ്രിയങ്ക ​ഗാന്ധിയും സുഷ്മിതയുടെ ആരോ​ഗ്യസ്ഥിതികൾ അന്വേഷിച്ചുകൊണ്ട് രം​ഗത്തെത്തിയിരുന്നു.

ഗുവാഹത്തി: മഹിളാ കോൺ​ഗ്രസ് അധ്യക്ഷയും മുൻ ലോക്സഭാ അം​ഗവുമായി സുഷ്മിത ദേവിന് കോവിഡ് 19 സ്ഥിരീകരിച്ചു. \ഇവരെ സിൽച്ചാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കോൺ​ഗ്രസ് പാർട്ടിയുടെ ദേശീയ വക്താവുമാണ് സുഷ്മിത.

'എനിക്ക് കൊവിഡ് 19 സ്ഥിരീകരിച്ചു. ലക്ഷണങ്ങളൊന്നുമില്ല.'സുഷ്മിത തന്റെ ട്വീറ്ററിൽ കുറിച്ചു. കൊവിഡ് വാർത്ത പുറത്തുവന്നതിന് പിന്നാലെ രാഹുൽ ​ഗാന്ധിയും പ്രിയങ്ക ​ഗാന്ധിയും സുഷ്മിതയുടെ ആരോ​ഗ്യസ്ഥിതികൾ അന്വേഷിച്ചുകൊണ്ട് രം​ഗത്തെത്തിയിരുന്നു.

അതേസമയം, ലോകത്ത് കൊവിഡ് ബാധിതരുടെ എണ്ണം ഒരുകോടി ഇരുപത്തിനാല് ലക്ഷത്തിലേക്ക് എത്തുകയാണ്. രണ്ട് ലക്ഷത്തി ഇരുപതിനായിരത്തിലേറെ പേർക്കാണ് പുതുതായി രോഗം സ്ഥിരീകരിച്ചത്. അഞ്ച് ലക്ഷത്തി അമ്പത്തി ആറായിരം പേർ ഇതുവരെ മരിച്ചു. അയ്യായിരത്തി മുന്നൂറിലേറെ പേരാണ് ഇന്നലെ മാത്രം മരിച്ചത്.