അധികാരത്തിന്റെ 'ചെങ്കോല്' ജനങ്ങള്ക്ക്, പാര്ലമെന്റിലെ സ്പീക്കറുടെ ഇരിപ്പിടത്തിനടുത്ത് സ്ഥാപിക്കും
Synopsis
അധികാരകൈമാറ്റത്തെ സൂചിപ്പിക്കാന് ബ്രിട്ടീഷുകാര് പ്രഥമ പ്രധാനമന്ത്രി ജവഹര്ലാല് നെഹ്റുവിന് സമര്പ്പിച്ച ചെങ്കോലാണ് പുതിയ പാര്ലമെന്റ് മന്ദിരത്തില് സ്ഥാപിക്കുന്നത്.
ദില്ലി: പുതിയ പാര്ലമെന്റ് മന്ദിരത്തിന്റെ ഉദ്ഘാടനം ബഹിഷ്കരിക്കുമെന്ന് 19 പ്രതിപക്ഷ പാര്ട്ടികള് ഇതിനകം പ്രഖ്യാപിച്ചെങ്കിലും, പ്രധാനമന്ത്രി മോദി തന്നെ ഉദ്ഘാടനം നിര്വഹിക്കുമെന്ന പ്രഖ്യാപനവുമായി സര്ക്കാര് മുന്നോട്ട്. ബ്രിട്ടീഷ് സാമ്രാജ്യത്തെ അടിയറവ് പറയിച്ച ശേഷം നടന്ന അധികാര കൈമാറ്റ വേളയിൽ പ്രഥമപ്രധാനമന്ത്രി ഏറ്റുവാങ്ങിയ, സ്വതന്ത്ര പരമാധികാര രാഷ്ട്രത്തിന്റെ പ്രതീകമായ ‘ചെങ്കോൽ’ പുതിയ പാർലമെൻ്റ് മന്ദിരത്തിൽ സ്ഥാപിക്കാനുള്ള തീരുമാനം അഭിമാനവും ആഹ്ലാദവും നൽകുന്നുവെന്ന് കേന്ദ്രമന്ത്രി വി മുരളീധരന് ഫേസ്ബുക്കില് കുറിച്ചു. ചോളരാജാക്കൻമാരുടെ കാലത്ത് ധർമത്തിലധിഷ്ഠിതവും നീതിപൂർണവുമായ ഭരണത്തിൻ്റെ പ്രതീകമായിരുന്നു ചെങ്കോൽ.
ധർമ ഭരണത്തിൻ്റെ അടയാളമായ ചെങ്കോൽ സ്ഥാപനം ജനങ്ങൾക്ക് ഉറപ്പ് നൽകുന്നത് നീതിനിഷ്ഠമായ ഭരണവും ഭരണാധികാരികളെയുമാണ്. ഒപ്പം ഭാരതത്തിൻ്റെ ഊർജ്ജസ്വലമായ സംസ്കാരത്തോടും സമ്പന്നമായ പൈതൃകത്തോടും ഉള്ള പ്രധാനമന്ത്രി നരേന്ദ്രമോദിയുടെ ആദരവിനെ പ്രതിഫലിപ്പിക്കുന്നത് കൂടിയാണ് ഈ തീരുമാനം. പരമശിവന്റെ വാഹനമായ നന്ദികേശ്വരന്റെ മുഖം കൊത്തിയ, ഗംഗാജലത്തിൽ അഭിഷേകം ചെയ്ത ശേഷം ഏറ്റുവാങ്ങിയ ചെങ്കോൽ മുദ്രയ്ക്ക് കീഴിൽ, മോദിയുടെ നേതൃത്വത്തിൽ കൂടുതൽ അഭിവൃദ്ധിയിലേക്ക്, ആത്മനിർഭരതയിലേക്ക് നമുക്ക് കൈകോർത്ത് നീങ്ങാമെന്നും അദ്ദേഹത്തിന്റെ കുറിപ്പില് പറയുന്നു.
കൊളോണിയലിസത്തിന്റേയും അപമാനത്തിന്റേയും അവശിഷ്ടങ്ങളെ തൂത്തെറിഞ്ഞ് ഭാരതം ലോകത്തിനുമുന്നിൽ സ്വാഭിമാനം വീണ്ടെടുക്കുകയാണ്. ഓരോ ഭാരതീയനും അഭിമാനിക്കാം ഈ സുവർണ്ണകാലത്ത് ഭാരതത്തിൽ ജീവിക്കുന്നു എന്നതിലെന്ന് ബിജെപി സംസ്ഥാന പ്രസിഡന്ര് കെ സുരേന്ദ്രന് പറഞ്ഞു.
പാർലമെന്റ് ഉദ്ഘാടനം: എംപിമാർക്ക് ക്ഷണക്കത്ത്, ബഹിഷ്ക്കരിക്കാൻ പ്രതിപക്ഷ പാർട്ടികൾ