കര്ഷക സമരത്തില് മരണം; ജുഡീഷ്യല് അന്വേഷണം ഉത്തരവിട്ട് ഹൈക്കോടതി
Synopsis
ഫെബ്രുവരി 21നാണ് ഹരിയാന അതിര്ത്തിയില് കര്ഷകസമരത്തിനിടെ ഇരുപത്തിയൊന്നുകാരനായ ശുഭ്കരണ് സിംഗ് മരിച്ചത്. കര്ഷകന്റെ മരണത്തില് അന്വേഷണം വൈകിപ്പിക്കുന്നതില് പഞ്ചാബിനെ കോടതി വിമര്ശിച്ചു.
ദില്ലി: ഹരിയാന അതിര്ത്തിയില് കര്ഷകസമരത്തിനിടെ കര്ഷകൻ മരിച്ച സംഭവത്തില് ജുഡീഷ്യല് അന്വേഷണം ഉത്തരവിട്ട് പഞ്ചാബ്-ഹരിയാന ഹൈക്കോടതി. ഒരു റിട്ടയേഡ് ജഡ്ജ് ആയിരിക്കും അന്വേഷണ സമിതി അധ്യക്ഷൻ. രണ്ട് എഡിജിപിമാരും സമിതിയില് ഉള്പ്പെട്ടിരിക്കും.
ഫെബ്രുവരി 21നാണ് ഹരിയാന അതിര്ത്തിയില് കര്ഷകസമരത്തിനിടെ ഇരുപത്തിയൊന്നുകാരനായ ശുഭ്കരണ് സിംഗ് മരിച്ചത്. കര്ഷകന്റെ മരണത്തില് അന്വേഷണം വൈകിപ്പിക്കുന്നതില് പഞ്ചാബിനെ കോടതി വിമര്ശിച്ചു. എന്തുകരം ബുള്ളറ്റുകളും പെല്ലറ്റുകളുമാണ് അന്ന് ഉപയോഗിച്ചത് എന്ന് ഹരിയാന സര്ക്കാരിനോട് കോടതി ചോദിച്ചു. ഇതിന്റെ വിശദാംശങ്ങള് സമര്പ്പിക്കാനും ആവശ്യപ്പെട്ടു.
സമരം ചെയ്ത കര്ഷകരെയും കോടതി വിമര്ശിച്ചിട്ടുണ്ട്. എന്തിനാണ് യുദ്ധസമാനമായ അന്തരീക്ഷം സൃഷ്ടിച്ചതെന്നും സ്ത്രീകളെയും കുട്ടികളെയും എന്തിനാണ് സമരത്തില് മുന്നില് നിര്ത്തിയതെന്നും കോടതി ചോദിച്ചു.
പല കാരണങ്ങള് കൊണ്ടും കര്ഷകന്റെ മരണത്തെ കുറിച്ചുള്ള അന്വേഷണം പഞ്ചാബിനെയോ ഹരിയാനയെയോ ഏല്പിക്കാനാകില്ലെന്നും അതിനാലാണ് ജുഡീഷ്യല് അന്വേഷണത്തിന് ഉത്തരവിടുന്നതെന്നും കോടതി വ്യക്തമാക്കി.
കര്ഷകന്റെ മരണം അന്വേഷിക്കണമെന്നാവശ്യപ്പെട്ട് കോടതിക്ക് മുമ്പിലെത്തിയ പരാതികള് പരിഗണിച്ചാണ് കോടതിയുടെ ഉത്തരവ്.
Also Read:- കര്ഷക സമരം: അതിർത്തിയിൽ പൊലീസ് നടപടിയിൽ പരിക്കേറ്റ ഒരു കർഷകൻ കൂടി മരിച്ചു
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം:-
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam