കര്ണാടക പ്രതിസന്ധി; ഗവര്ണറുടെ ഓഫീസ് ബിജെപിയുടേതിനെക്കാള് തരംതാണെന്ന് കെ സി വേണുഗോപാല്
Synopsis
നിയമസഭാ സമ്മേളനം വിളിച്ചത് ഗവര്ണര് ആണ്. അത് ചട്ടവിരുദ്ധമാണെന്ന് പറയാന് ബിജെപിക്ക് എന്ത് അവകാശമാണുള്ളതെന്നും വേണുഗോപാല് ചോദിച്ചു.
ബംഗളൂരു: കര്ണാടക ഗവര്ണര്ക്കെതിരെ കോണ്ഗ്രസ് രംഗത്തെത്തി. ഗവര്ണറുടെ ഓഫീസ് ബിജെപി ഓഫീസിനെക്കാള് തരംതാണെന്ന് കോണ്ഗ്രസ് ആരോപിച്ചു. കോണ്ഗ്രസ് നിയമപോരാട്ടം തുടരുമെന്നും കെ സി വേണുഗോപാല് അറിയിച്ചു.
ജനാധിപത്യത്തിന്റെ നഗ്നമായ ലംഘനമാണ് നടന്നിരിക്കുന്നതെന്ന് കെ സി വേണുഗോപാല് ആരോപിച്ചു. കുതിരക്കച്ചവടം നടത്തുന്നതിനും സര്ക്കാരിനെ തകര്ക്കുന്നതിനുമുള്ള ഇടമായി ഗവര്ണറുടെ ഓഫീസ് മാറിയിരിക്കുകയാണ്. മുംബൈയിലെത്തിയ ഡി കെ ശിവകുമാറിനെ, കോണ്ഗ്രസിലെ സഹപ്രവര്ത്തകരെ കാണാന് അനുവദിക്കാത്ത മഹാരാഷ്ട്ര സര്ക്കാരിന്റെ നടപടി ജനാധിപത്യവിരുദ്ധമാണ്.
നിയമസഭാ സമ്മേളനം വിളിച്ചത് ഗവര്ണര് ആണ്. അത് ചട്ടവിരുദ്ധമാണെന്ന് പറയാന് ബിജെപിക്ക് എന്ത് അവകാശമാണുള്ളതെന്നും വേണുഗോപാല് ചോദിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam