വൈദ്യുത ടവറിന്‍റെ ഏറ്റവും മുകളിൽ കയറി നൃത്തംചെയ്ത് യുവാവ്; താഴെയിറക്കിയത് രണ്ട് മണിക്കൂർ നീണ്ട പരിശ്രമത്തിലൂടെ

താഴെയിറങ്ങാൻ എല്ലാവരും ഉറക്കെ വിളിച്ചു പറഞ്ഞെങ്കിലും യുവാവ് വിസമ്മതിച്ചു. പൊലീസും ഫയർഫോഴ്‌സും ചേർന്നാണ് യുവാവിനെ താഴെയിറക്കിയത്.

നോയിഡ: വൈദ്യുത ടവറിന്‍റെ മുകളിൽ കയറി നൃത്തം ചെയ്ത് യുവാവ്. ഫയർ ഫോഴ്സും വൈദ്യുതി വകുപ്പ് ഉദ്യോഗസ്ഥരും ചേർന്നാണ് യുവാവിനെ താഴെയിറക്കിയത്. ഉത്തർപ്രദേശിലെ നോയിഡ സെക്ടർ 76ലാണ് സംഭവം.

ഹൈ വോൾട്ടേജ് ഇലക്ട്രിക് ടവറിന്‍റെ ഏറ്റവും മുകളിൽ കയറി യുവാവ് നൃത്തം ചെയ്തത് ഇന്ന് ഉച്ചയ്ക്ക് 1.30ഓടെയാണ്. വൻ ജനക്കൂട്ടം പരിസരത്ത് തടിച്ചുകൂടി. താഴെയിറങ്ങാൻ എല്ലാവരും ഉറക്കെ വിളിച്ചു പറഞ്ഞെങ്കിലും യുവാവ് വിസമ്മതിച്ചു. രണ്ട് മണിക്കൂറോളം നീണ്ട പരിശ്രമത്തിനൊടുവിൽ പൊലീസും ഫയർഫോഴ്‌സും ചേർന്നാണ് യുവാവിനെ താഴെയിറക്കിയത്.

യുവാവിന് മാനസിക വിഭ്രാന്തി ഉണ്ടെന്നാണ് പൊലീസ് പറയുന്നത്. ഇയാൾ മദ്യലഹരിയിലായിരുന്നുവെന്ന് സംഭവ സ്ഥലത്തുണ്ടായിരുന്നവർ പറയുന്നു. യുവാവിനെ ആശുപത്രിയിൽ പ്രവേശിപ്പിച്ചു. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം