തമിഴ്നാട്ടില് സമ്പര്ക്ക വിലക്കില് കഴിഞ്ഞ യുവാവ് നഗ്നനായി പുറത്തേക്കോടി വയോധികയെ കടിച്ച് കൊന്നു
Synopsis
ശ്രീലങ്കയില് നിന്നെത്തിയ 32കാരനായ മണികണ്ഠന് വീട്ടില് സമ്പര്ക്ക വിലക്കില് കഴിയുകയായിരുന്നു. എന്നാല്, വെള്ളിയാഴ്ച അയാള് നഗ്നനായി പുറത്തേക്കോടി വയോധികയുടെ കഴുത്തില് കടിച്ചു.
ചെന്നൈ: സമ്പര്ക്ക വിലക്കില് കഴിഞ്ഞ യുവാവ് പുറത്തിറങ്ങിയ വയോധികയെ കടിച്ച് കൊലപ്പെടുത്തി. തമിഴ്നാട്ടിലെ തേനി ജില്ലയില് വെള്ളിയാഴ്ചയാണ് സംഭവമുണ്ടായത്. വയോധികയെ ആശുപത്രിയില് പ്രവേശിച്ചെങ്കിലും ശനിയാഴ്ച മരിക്കുകയായിരുന്നു. ശ്രീലങ്കയില് നിന്നെത്തിയ 32കാരനായ മണികണ്ഠന് വീട്ടില് സമ്പര്ക്ക വിലക്കില് കഴിയുകയായിരുന്നു. എന്നാല്, വെള്ളിയാഴ്ച അയാള് നഗ്നനായി പുറത്തേക്കോടി വയോധികയുടെ കഴുത്തില് കടിച്ചു.
ഗുരുതരമായി പരിക്കേറ്റ വയോധികയെ ആശുപത്രിയില് പ്രവേശിപ്പിച്ചു. യുവാവിനെയും പൊലീസ് പിടികൂടി. ഇയാളുടെ രക്തം കൊവിഡ് ടെസ്റ്റിന് അയച്ചു. ഇയാളുടെ മാനസികാരോഗ്യനിലയും പരിശോധിക്കുകയാണെന്ന് പൊലീസ് പറഞ്ഞു. മണികണ്ഠന് വയോധികയുമായി മുന്വൈരാഗ്യമുണ്ടായിരുന്നില്ലെന്നും അന്വേഷണം തുടങ്ങിയെന്നും പൊലീസ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam