
ഗാസിയാബാദ്: അപകടത്തിന് പിന്നാലെ ടാങ്കറിൽ നിന്ന് പാൽ ശേഖരിക്കാൻ തിരക്കൂകൂട്ടുന്ന നാട്ടുകാരുടെ ദൃശ്യങ്ങൾ സോഷ്യൽ മീഡിയയിൽ വൈറൽ. ഉത്തർപ്രദേശിലെ ഗാസിയാബാദിലാണ് സംഭവം. പാൽ കയറ്റിവന്ന ടാങ്കർ ലോറി മറ്റൊരു ട്രക്കുമായി കൂട്ടിയിടിച്ചാണ് ദാരുണമായ അപകടമുണ്ടായത്.
കൂട്ടിയിടിയിൽ രണ്ട് വാഹനങ്ങൾക്കും കാര്യമായ തകരാറുകൾ സംഭവിച്ചു. എബിഇഎസ് എഞ്ചിനീയറിങ് കോളേജിന് സമീപത്തു വെച്ചായിരുന്നു അപകടം. ടാങ്കറിന്റെ പിന്നിലേക്കാണ് ട്രക്ക് ഇടിച്ചുകയറിയത്. ഇടിയുടെ ആഘാതത്തിൽ ട്രക്കിന്റെ ഡ്രൈവർ മരണപ്പെടുകയും വാഹനത്തിന്റെ മുൻഭാഗം ഏതാണ്ട് പൂർണമായി തകരുകയും ചെയ്തു. പ്രേം സിങ് എന്നയാൾക്കാണ് അപകടത്തിൽ ജീവൻ നഷ്ടമായതെന്ന് അധികൃതർ അറിയിച്ചു.
ശക്തമായ ഇടിയിൽ ടാങ്കറിന്റെ പിൻ ഭാഗത്തിനാണ് തകരാർ സംഭവിച്ചത്. തുടർന്ന് വാഹനം റോഡരികിൽ നിർത്തിയിട്ടു. എന്നാൽ അവസരം മുതലാക്കി പാൽ ഇത് ശേഖരിക്കാൻ ആളുകളും കൂടി. പലരും ഇതൊരു അവസരമായെടുത്ത് കുപ്പികളും പാത്രങ്ങളുമൊക്കെയായി തിരക്കൂകൂട്ടാനും തുടങ്ങി. ഇതിന്റെ സിസിടിവി ദൃശ്യങ്ങളാണ് പരസരത്തുള്ള ഒരാൾ സോഷ്യൽ മീഡിയയിൽ പങ്കുവെച്ചത്. പലരും സോഷ്യൽ മീഡിയയിൽ രൂക്ഷമായ വിമർശനങ്ങളും ഉയർത്തിയിട്ടുണ്ട്.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam