സദസ്സിന്റെ മുന്നിരയില് സ്ത്രീകള് ഇരുന്നത് ഇഷ്ടപ്പെട്ടില്ല; സ്വാമി ഗ്യാന് വാത്സല്യ പ്രസംഗിക്കാതെ വേദി വിട്ടു
Synopsis
ആദ്യത്തെ മൂന്ന് വരികളില് സ്ത്രീകളെ ഇരിക്കാന് അനുവദിക്കരുതെന്ന് സ്വാമി സംഘാടകരോട് ആവശ്യപ്പെട്ടിരുന്നു. എന്നാല് സ്വാമിയുടെ നിബന്ധനക്കെതിരെ വനിതാ ഡോക്ടര്മാര് രംഗത്തെത്തി.
ജയ്പൂര്: സദസ്സിന്റെ മുന്നിരയില് സ്ത്രീകള് ഇരുന്നതില് പ്രതിഷേധിച്ച് മോട്ടിവേഷണല് പ്രാസംഗികന് സ്വാമി ഗ്യാന് വാത്സല്യ പ്രസംഗിക്കാതെ വേദിവിട്ടു. ഇന്ത്യന് മെഡിക്കല് അസോസിയേഷനും രാജസ്ഥാന് സര്വീസ് ഡോക്ടേഴ്സ് അസോസിയേഷനും ജയ്പൂരിലെ ബിര്ള ഓഡിറ്റോറിയത്തില് സംഘടിപ്പിച്ച 'രാജ് മെഡിക്കോണ് 2019' എന്ന ചടങ്ങില് നിന്നാണ് സ്വാമി ഇറങ്ങിപ്പോയത്. ആദ്യത്തെ മൂന്ന് വരികളില് സ്ത്രീകളെ ഇരിക്കാന് അനുവദിക്കരുതെന്ന് സ്വാമി സംഘാടകരോട് ആവശ്യപ്പെട്ടിരുന്നു. എന്നാല് സ്വാമിയുടെ നിബന്ധനക്കെതിരെ വനിതാ ഡോക്ടര്മാര് രംഗത്തെത്തി.
വനിതാ ഡോക്ടര്മാര്ക്ക് പിന്തുണയുമായി പുരുഷ ഡോക്ടര്മാരും രംഗത്തെത്തി. രണ്ട് മുന്നിര സീറ്റുകള് ഒഴിച്ചിടണമെന്ന സംഘാടകരുടെ നിര്ദേശവും ഡോക്ടര്മാര് തള്ളി. തര്ക്കത്തിനിടെ ആദ്യ മൂന്ന് വരികളില് നിന്ന് സ്ത്രീകള് പിന്നോട്ട് മാറിയിരിക്കണമെന്ന് മൈക്കിലൂടെ നിര്ദേശിക്കണമെന്ന് സ്വാമി സംഘാടകരോട് ആവശ്യപ്പെട്ടത് കൂടുതല് പ്രതിഷേധത്തിനിടയാക്കി. ഇതോടെ സ്വാമി ഘ്യാന്വാത്സല്യ പ്രസംഗിക്കാതെ ഇറങ്ങിപ്പോയി.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam