ഛത്തീ​സ്ഗ​ഡി​ൽ 9 മാ​വോ​യി​സ്റ്റു​ക​ൾ പി​ടി​യി​ൽ, 8 പേർ പിടികൂടിയത് ഉ​സൂ​ർ പോ​ലീ​സ് സ്റ്റേ​ഷ​ൻ പ​രി​ധി​യിൽ

സു​ര​ക്ഷാ ഉ​ദ്യോ​ഗ​സ്ഥ​രെ ല​ക്ഷ്യ​മി​ട്ട് ഐ​ഇ​ഡി സ്ഥാ​പി​ക്കു​ക, റോ​ഡു​ക​ൾ ന​ശി​പ്പി​ക്കു​ക, പോ​സ്റ്റ​റു​ക​ളും ബാ​ന​റു​ക​ളും സ്ഥാ​പി​ക്കു​ക തു​ട​ങ്ങി​യ സം​ഭ​വ​ങ്ങ​ളി​ൽ പിടിയിലായ മാവോയിസ്റ്റുകൾക്ക് പ​ങ്കു​ണ്ടെ​ന്ന് പൊലീസ് വ്യ​ക്ത​മാ​ക്കി.

ബി​ജാ​പൂ​ർ: ഛത്തീ​സ്ഗ​ഡി​ലെ ബി​ജാ​പൂ​ർ ജി​ല്ല​യിൽ പൊലീസിന്‍റെ മാവോയിസ്റ്റ് വേട്ട.  വി​വി​ധ സ്ഥ​ല​ങ്ങ​ളി​ൽ നി​ന്നുമായി ഒ​ൻ​പ​ത് മാ​വോ​യി​സ്റ്റു​ക​ളെ അ​റ​സ്റ്റ് ചെ​യ്ത​താ​യി പൊ​ലീ​സ് അ​റി​യി​ച്ചു. ഞാ​യ​റാ​ഴ്ചയാണ് പൊലീസ് മാവോയിസ്റ്റുകളെ പിടികൂടിയത്.  ഇ​വ​രി​ൽ എ​ട്ടു​പേ​രെ ഉ​സൂ​ർ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നിന്നുമാണ് അറസ്റ്റ് ചെയ്തത്. ഒ​രാ​ളെ നെ​യിം​ഡ് പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്നു​മാ​ണ് പി​ടി​കൂ​ടി​യ​തെ​ന്നും പൊ​ലീ​സ് വ്യ​ക്ത​മാ​ക്കി. 

സജീവ പ്രവർത്തകരായ സോ​ന കു​ഞ്ഞം (40), ആ​ണ്ട ക​ട​ത്തി (30), മാ​ങ്കു മ​ഡ്കം (24), സ​ന്തോ​ഷ് കാ​ട്ടി (25), സോ​ന മു​ച​കി (22), ഹ​ദ്മ കാ​ഡി (27), സു​രേ​ഷ് മ​ഡ്കം (28), ദേ​വേ​ന്ദ്ര മു​ച​കി (25) എ​ന്നി​വ​രാ​ണ് ഉ​സൂ​രി​ൽ നി​ന്ന് പി​ടി​യി​ലാ​യ​ത്.  ജി​ല്ലാ റി​സ​ർ​വ് ഗാ​ർ​ഡ് (ഡി​ആ​ർ​ജി) നെ​യിം​ഡ് മേ​ഖ​വ​ല​യി​ൽ നി​ന്നും പി​ടി​കൂ​ടി​യ അ​വ്‌​ലം ആ​യി​തു (49)  പൊ​ലീ​സ് ഉ​ദ്യോ​ഗ​സ്ഥ​രെ ആ​ക്ര​മി​ച്ച കേസിലെ പ്ര​തി​യാ​ണ്. അ​റ​സ്റ്റി​ലാ​യ എ​ല്ലാ കേ​ഡ​ർ​മാ​രും മാ​വോ​യി​സ്റ്റ് പ്ര​സ്ഥാ​ന​ത്തി​ന്‍റെ സ​ജീ​വ അം​ഗ​ങ്ങ​ളാ​ണെന്ന് പൊലീസ് അറിയിച്ചു.

സു​ര​ക്ഷാ ഉ​ദ്യോ​ഗ​സ്ഥ​രെ ല​ക്ഷ്യ​മി​ട്ട് ഐ​ഇ​ഡി സ്ഥാ​പി​ക്കു​ക, റോ​ഡു​ക​ൾ ന​ശി​പ്പി​ക്കു​ക, പോ​സ്റ്റ​റു​ക​ളും ബാ​ന​റു​ക​ളും സ്ഥാ​പി​ക്കു​ക തു​ട​ങ്ങി​യ സം​ഭ​വ​ങ്ങ​ളി​ൽ പിടിയിലായ മാവോയിസ്റ്റുകൾക്ക് പ​ങ്കു​ണ്ടെ​ന്ന് പൊലീസ് വ്യ​ക്ത​മാ​ക്കി. സെ​ൻ​ട്ര​ൽ റി​സ​ർ​വ് പൊ​ലീ​സ് ഫോ​ഴ്‌​സി​ന്‍റെ (സി​ആ​ർ​പി​എ​ഫ്) 196-ാം ബ​റ്റാ​ലി​യ​ൻ, ക​മാ​ൻ​ഡോ ബ​റ്റാ​ലി​യ​ൻ ഫോ​ർ റെ​സൊ​ല്യൂ​ട്ട് ആ​ക്ഷ​ൻ (കോ​ബ്രാ- സി​ആ​ർ​പി​എ​ഫി​ന്‍റെ എ​ലൈ​റ്റ് യൂ​ണി​റ്റ്) 205-ാം ബ​റ്റാ​ലി​യ​ൻ, ലോ​ക്ക​ൽ പോ​ലീ​സ് എ​ന്നി​വ​ർ ചേ​ർ​ന്നാ​ണ് മാ​വോ​യി​സ്റ്റു​ക​ളെ പി​ടി​കൂ​ടി​യ​ത്.