ജമ്മുവിൽ പാകിസ്താന്റെ നിരീക്ഷണ ഡ്രോൺ വെടിവെച്ചിട്ടു, ചൈനീസ് നിർമ്മിതം; എസ് ഡി കാർഡടക്കം സൈന്യം പിടിച്ചെടുത്തു

ജമ്മുവിലെ ഖൗർ മേഖലയിൽ ഇന്ത്യൻ സൈന്യം പാകിസ്താന്റെ നിരീക്ഷണ ഡ്രോൺ വെടിവെച്ച് വീഴ്ത്തി. അതീവ സുരക്ഷാ മേഖലയിലേക്ക് കടന്ന ചൈനീസ് നിർമ്മിത ഡ്രോണിനൊപ്പം ഒരു എസ്ഡി കാർഡും സൈന്യം പിടിച്ചെടുത്തു

ശ്രീനഗർ: ജമ്മുവിലെ ഖൗർ മേഖലയിൽ കണ്ട പാകിസ്താന്‍റെ നിരീക്ഷണ ഡ്രോൺ ഇന്ത്യൻ സൈന്യം വെടിവെച്ച് വീഴ്ത്തി. ചക്ല ഗ്രാമത്തിന് സമീപത്തായുള്ള പ്രതിരോധ കേന്ദ്രങ്ങൾക്ക് സമീപമുള്ള അതീവ സുരക്ഷാ മേഖലയിലേക്ക് കടന്നതിനെ തുടർന്നാണ് ഡ്രോൺ തകർത്തത്. ചൈനീസ് നിർമിതമായ ഡ്രോണിനൊപ്പം 64 ജി ബി മൈക്രോ എസ് ഡി കാർഡും സൈനികർ സ്ഥലത്ത് നിന്ന് കണ്ടെത്തി. പിടിച്ചെടുത്ത ഉപകരണങ്ങൾ ഫോറൻസിക് ലാബിലേക്ക് കൂടുതൽ പരിശോധനകൾക്കായി അയച്ചിട്ടുണ്ട്. ഡ്രോൺ രഹസ്യ നിരീക്ഷണ പ്രവർത്തനങ്ങൾക്കായി ഉപയോഗിച്ചതെന്നാണ് പ്രാഥമിക കണ്ടത്തൽ.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം