മുല്ലപ്പെരിയാർ ഡാമിന്റെ സുരക്ഷ, മേൽനോട്ട സമിതിയുടെ സ്ഥിരം ഓഫീസ് സ്ഥാപിക്കണം, സുപ്രീംകോടതിയിൽ അപേക്ഷ
Synopsis
ഡോ. ജോ ജേക്കബാണ് അപേക്ഷ നൽകിയത്
ദില്ലി: മുല്ലപ്പെരിയാർ ഡാമിന്റെ സുരക്ഷ ദിനംപ്രതി വിലയിരുത്തുന്നതിന് മേൽനോട്ട സമിതിയുടെ സ്ഥിരം ഓഫീസ് ഡാമിൽ അടിയന്തരമായി സ്ഥാപിക്കണമെന്നാവശ്യപ്പെട്ട് സുപ്രീംകോടതിയിൽ അപേക്ഷ. ഡോ. ജോ ജേക്കബാണ് അപേക്ഷ നൽകിയത്. മേൽനോട്ട സമിതി രൂപീകരിച്ച 2014ലെ ഉത്തരവിൽ ഓഫീസ് സ്ഥാപിക്കണമെന്ന് നിർദേശമുണ്ടായിട്ടും ഇതുവരെയും നടപ്പായിട്ടില്ലന്ന് അപേക്ഷയിൽ പറഞ്ഞു.
യോഗ്യരായ സ്റ്റാഫുകളെ നിയമിച്ച് ഓഫീസ് ഉടൻ തുറക്കാൻ കേന്ദ്ര ഡാം സുരക്ഷ അതോറിറ്റിക്ക് നിർദേശം നൽകണമെന്നാണ് പ്രധാന ആവശ്യം. ഡാമിൽ സുരക്ഷ പരിശോധന വേണമെന്ന ഹർജി മൂന്നുവർഷമായി ഹൈക്കോടതിയുടെ പരിഗണനയിൽ തുടരുകയാണന്നും അപേക്ഷയിൽ പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam