പ്രണബ് മുഖർജിയുടെ ശസ്ത്രക്രിയ വിജയം; തീവ്രപരിചരണ വിഭാഗത്തിൽ നിരീക്ഷണത്തില്‍

വിജയകരമായ ശസ്ത്രക്രിയക്ക് ശേഷം അദ്ദേഹം സൂക്ഷ്മ നിരീക്ഷണത്തിലാണെന്ന് ദില്ലിയിലെ സൈനിക ആശുപത്രി അറിയിച്ചു. വെന്‍റിലേറ്റര്‍ സഹായത്തോടെയാണ് ഇപ്പോൾ അദ്ദേഹം കഴിയുന്നതെന്നും ഡോക്ടർമാർ പറഞ്ഞു

ദില്ലി: മുൻ രാഷ്‌ട്രപതി പ്രണബ് മുഖർജിയെ തലച്ചോറിലെ ശസ്ത്രക്രിയക്ക് ശേഷം തീവ്ര പരിചരണ വിഭാഗത്തിൽ നിരീക്ഷണത്തിലാക്കി. ശസ്ത്രക്രിയക്ക് മുന്നോടിയായുള്ള പരിശോധനയിൽ അദ്ദേഹത്തിന് കൊവിഡ് സ്ഥിരീകരിച്ചിരുന്നു. എണ്‍പത്തിനാലുകാരനായ മുഖർജിക്ക്  തലച്ചോറിലേക്കുള്ള  ഞരമ്പുകളിൽ  രക്തം കട്ടപിടിച്ചതിനാലാണ് ശസ്ത്രക്രിയ വേണ്ടിവന്നത്.

വിജയകരമായ ശസ്ത്രക്രിയക്ക് ശേഷം അദ്ദേഹം സൂക്ഷ്മ നിരീക്ഷണത്തിലാണെന്ന് ദില്ലിയിലെ സൈനിക ആശുപത്രി അറിയിച്ചു. വെന്‍റിലേറ്റര്‍ സഹായത്തോടെയാണ് ഇപ്പോൾ അദ്ദേഹം കഴിയുന്നതെന്നും ഡോക്ടർമാർ പറഞ്ഞു. പ്രതിരോധ മന്ത്രി രാജ്‌നാഥ്‌ സിംഗ് ആശുപത്രി സന്ദർശിച്ചു.