സംഗീത നാടക അക്കാദമി അവർഡുകൾ പ്രഖ്യാപിച്ചു, നിരവധി മലയാളികൾക്ക് പുരസ്കാരം

സംഗീത നാടക അക്കാദമി അവർഡുകൾ പ്രഖ്യാപിച്ചു. 2019,‌2020,‌2021 വർഷങ്ങളിലെ അവാർഡുകൾ ആണ് പ്രഖ്യാപിച്ചത്. നിരവധി മലയാളികൾക്ക് പുരസ്കാരം ലഭിച്ചു.

ദില്ലി: സംഗീത നാടക അക്കാദമി അവർഡുകൾ പ്രഖ്യാപിച്ചു. 2019,‌2020,‌2021 വർഷങ്ങളിലെ അവാർഡുകൾ ആണ് പ്രഖ്യാപിച്ചത്. നിരവധി മലയാളികൾക്ക് പുരസ്കാരം ലഭിച്ചു. 2019-ൽ പാല സികെ രാമചന്ദ്രൻ ( കർണാടക സംഗീതം),  ട്രിവാൻഡ്രം വി സുരേന്ദ്രൻ, (മൃദംഗം), നിർമല പണിക്കർ ( മോഹിനിയാട്ടം) എന്നിങ്ങനെ പുരസ്കാരം സ്വന്തമാക്കി. 2021-ൽ  കലാമണ്ഡലം ഗിരിജ ( കൂടിയാട്ടം),  നീന പ്രസാദ് (മോഹിനിയാട്ടം), ഇഞ്ചക്കാട്ട് രാമചന്ദ്രൻ പിള്ളൈ (കഥകളി),  രാധ നമ്പൂതിരി ( കർണാടക  സംഗീതം) എന്നിവരാണ് പുരസ്കാരം സ്വന്തമാക്കിയ മലയാളികൾ. ആകെ 128 കലാകാരന്മാർ പുരസ്കാര ജേതാക്കളായി.