പുൽവാമയിൽ സുരക്ഷാസേനയും ഭീകരരുമായി ഏറ്റുമുട്ടൽ; മൂന്ന് ഭീകരരെ വധിച്ചു

ഇവർ ലഷ്കർ ഇ തോയിബ പ്രവർത്തകരാണെന്ന് സൈനിക വൃത്തങ്ങൾ അറിയിച്ചു. പുൽവാമയിലെ പാഹൂവിൽ ഇപ്പോഴും ഏറ്റുമുട്ടൽ തുടരുകയാണ്. 

ദില്ലി: ജമ്മുകശ്മീരിലെ പുൽവാമയിൽ സുരക്ഷാ സേന മൂന്ന് ഭീകരരെ വധിച്ചു. ഏറ്റുമുട്ടലിലാണ് ഭീകരരെ വധിച്ചത്. ഇവർ ലഷ്കർ ഇ തോയിബ പ്രവർത്തകരാണെന്ന് സൈനിക വൃത്തങ്ങൾ അറിയിച്ചു. പുൽവാമയിലെ പാഹൂവിൽ ഇപ്പോഴും ഏറ്റുമുട്ടൽ തുടരുകയാണ്. 

പുൽവാമയിൽ കൊല്ലപ്പെട്ടവരിൽ ഒരാൾ ലഷ്കർ കമാൻഡർ ആണ്. ആരിഫ് ഹസാർ എന്ന എൽഇറ്റി കമാൻഡർ ആണ് ഏറ്റുമുട്ടലിൽ കൊല്ലപ്പെട്ടതെന്ന് വിവരങ്ങൾ പുറത്തുവന്നു. ഇൻസ്പെക്ടർ പർവേസ് , എസ് ഐ അർഷിദ് അടക്കമുള്ളവരുടെ കൊലപാതകത്തിൽ ഇയാൾക്ക് പങ്കുണ്ട്. കൊല്ലപ്പെട്ട മറ്റ് രണ്ട് ഭീകരരെ തിരിച്ചറിഞ്ഞില്ല.