മഹാകുംഭമേളയിൽ പങ്കെടുത്ത സന്യാസിമാർക്കും കൽപ്പവാസികൾക്കും സബ്‌സിഡി നിരക്കിൽ റേഷൻ, വിതരണം നാഫെഡ് വഴി

1,000 മെട്രിക് ടൺ റേഷനാണ് സന്യാസിമാർക്കും കൽപ്പവാസികൾക്കും നാഫെഡ് വഴി വിതരണം ചെയ്യുന്നത്.  ഭക്തർക്ക് വാട്ട്‌സ്ആപ്പ് വഴിയും ഫോൺ കോളുകൾ വഴിയും റേഷൻ ഓർഡർ ചെയ്യാം.

ദില്ലി: 2025-ലെ മഹാകുംഭ മേളയിൽ പങ്കെടുത്ത സന്യാസിമാർ, കൽപ്പവാസികൾ, ഭക്തർ എന്നിവർക്കായി പ്രത്യേക റേഷൻ അനുവദിദിച്ച് കേന്ദ്ര സർക്കാർ. കേന്ദ്ര ആഭ്യന്തര മന്ത്രാലയവും  ഉത്തർപ്രദേശ് സർക്കാരും സംയുക്തമായാണ് സബ്സിഡി അരിയും പയറുവർഗങ്ങളും വിതരണം ചെയ്തത്. നാഷണൽ അഗ്രികൾച്ചറൽ കോഓപ്പറേറ്റീവ് മാർക്കറ്റിംഗ് ഫെഡറേഷൻ ഓഫ് ഇന്ത്യ (നാഫെഡ്) വഴിയാണ് മാവ്, പയർവർഗ്ഗങ്ങൾ, അരി, മറ്റ് അവശ്യവസ്തുക്കൾ എന്നിവ സബ്‌സിഡി നിരക്കിൽ നൽകുന്നത്.  

1,000 മെട്രിക് ടൺ റേഷനാണ് സന്യാസിമാർക്കും കൽപ്പവാസികൾക്കും നാഫെഡ് വഴി വിതരണം ചെയ്യുന്നത്.  ഭക്തർക്ക് വാട്ട്‌സ്ആപ്പ് വഴിയും ഫോൺ കോളുകൾ വഴിയും റേഷൻ ഓർഡർ ചെയ്യാം.  കൂടാതെ, തീർഥാടകർക്ക് ബുദ്ധിമുട്ടുകൾ ഉണ്ടാകില്ലെന്ന് ഉറപ്പാക്കിക്കൊണ്ട് സുഗമവും തടസ്സമില്ലാത്തതുമായ വിതരണം സുഗമമാക്കുന്നതിന് കുംഭമേള പ്രദേശത്തുടനീളം 20 മൊബൈൽ വാനുകളും സജീവമാണ്.

ഭക്തർക്കും കൽപ്പവാസികൾക്കും 7275781810 എന്ന നമ്പറിൽ വിളിക്കുകയോ വാട്ട്‌സ്ആപ്പ് വഴിയോ ഓർഡർ നൽകാം. അവശ്യസാധനങ്ങൾ സബ്‌സിഡി നിരക്കിൽ ലഭിക്കും.  10 കിലോ മൈദ, 10 കിലോ അരി, 1 കിലോ പയർ (മൂങ്ങ്, മസൂർ, ചേന പയർ) എന്നിവയടങ്ങിയതാണ് പാക്കേജ്. ഇതിനകം 700 മെട്രിക് ടൺ മാവും 350 മെട്രിക് ടൺ പയറും 10 മെട്രിക് ടൺ അരിയും വിതരണം ചെയ്തുവെന്നും  കേന്ദ്ര ആഭ്യന്തര മന്ത്രാലയവും ഉത്തർപ്രദേശ് സർക്കാരും സംയുക്തമായാണ് ഈ പ്രത്യേക റേഷൻ വിതരണം നടത്തുന്നതെന്ന് നാഫെഡിന്‍റെ സംസ്ഥാന തലവൻ രോഹിത് ജയ്മാൻ പറഞ്ഞു.