വിശ്വേശ്വര്‍ ഹെഗ്ഡെ കഗേരി കര്‍ണാടക നിയമസഭാ സ്പീക്കര്‍

1994-99 കാലത്തും നിയമസഭാ സ്പീക്കറായിരുന്നു. 1978ല്‍ കോണ്‍ഗ്രസിലൂടെയായിരുന്നു വിശ്വേശ്വറിന്‍റെ രാഷ്ട്രീയപ്രവേശം. 

ബംഗളൂരു: കർണാടക നിയമസഭാ സ്പീക്കറായി ബിജെപിയുടെ  വിശ്വേശ്വർ  ഹെഗ്‌ഡെ കഗേരി തെരഞ്ഞെടുക്കപ്പെട്ടു. നിയമസഭാ കൗണ്‍സില്‍ ഐകകണ്ഠ്യേനയാണ് കഗേരിയെ തെരഞ്ഞെടുത്തത്. 

ഉത്തരകന്നഡ ജില്ലയിലെ സിർസിയിൽ നിന്നുള്ള നിയമസഭാംഗമാണ് വിശ്വേശ്വർ.  ആറാം തവണയാണ് അദ്ദേഹം നിയമസഭയിൽ എത്തുന്നത്. 1994-99 കാലത്തും നിയമസഭാ സ്പീക്കറായിരുന്നു. 1978ല്‍ കോണ്‍ഗ്രസിലൂടെയായിരുന്നു വിശ്വേശ്വറിന്‍റെ രാഷ്ട്രീയപ്രവേശം. 

യെദിയൂരപ്പയുടെ നേതൃത്വത്തിലുള്ള ബിജെപി സര്‍ക്കാര്‍ വിശ്വാസവോട്ട് നേടിയതിനു  പിന്നാലെ സ്പീക്കർ കെ ആർ രമേഷ് കുമാർ രാജി വച്ചിരുന്നു. ഇതോടെയാണ് വിശ്വേശ്വർ ഹെഗ്ഡെ കഗേരിയെ സ്പീക്കറായി ബിജെപി നാമനിര്‍ദ്ദേശം ചെയ്തത്.