മൂന്ന് വയസ്സുകാരി കൊല്ലപ്പെട്ട നിലയിൽ, പീഡിപ്പിക്കപ്പെട്ടതായി സംശയിക്കുന്നു

ബീഹാറിൽ മൂന്ന് വയസുകാരിയുടെ മൃതദേഹം വീടിന് സമീപത്തുള്ള വയലിൽ നിന്ന് പൊലീസ് കണ്ടെടുത്തു

പട്ന: ബീഹാറിൽ മൂന്ന് വയസുകാരിയുടെ മൃതദേഹം വീടിന് സമീപത്തുള്ള വയലിൽ നിന്ന് പൊലീസ് കണ്ടെടുത്തു. കുഞ്ഞിനെ പീഡിപ്പിച്ച ശേഷം കൊലപ്പെടുത്തിയതാകാമെന്ന് പോലീസ് സംശയിക്കുന്നു.സമാസ്തിപൂർ ജില്ലയിലെ പാർ ​ഗ്രാമത്തിലാണ് സംഭവം. കുഞ്ഞിനെ ഒരാൾ‌ തട്ടിക്കൊണ്ട് പോയെന്ന് പറഞ്ഞ് കുഞ്ഞിന്റെ ബന്ധുക്കൾ പൊലീസിൽ പരാതി നൽകുകയായിരുന്നു.

 പാടത്തിൽ ആടുകൾക്ക് പുല്ല് കൊടുത്തു കൊണ്ടിരിക്കെ ഒരു യുവാവ് ബലമായി കയ്യിൽ നിന്ന് കുഞ്ഞിനെ പിടിച്ചുപറിക്കുകയായിരുന്നുവെന്ന് കുഞ്ഞിന്റെ അമ്മ പൊലീസിനോട് പറഞ്ഞു. പ്രതിയെ ഉടൻ കണ്ടെത്തുമെന്ന് പൊലീസ് പറഞ്ഞു. കുഞ്ഞിന്റെ മൃതദേഹം സമാസ്തിപൂർ സദാർ ആശുപത്രിയിൽ പോസ്റ്റ് മോർട്ടത്തിനായി അയച്ചു.