തെലുങ്കാനയിലെ പ്രമുഖ മാവോയിസ്റ്റ് നേതാവടക്കം 12 പേര്‍ വെടിവയ്പില്‍ കൊല്ലപ്പെട്ടു

തെലങ്കാന: ഛത്തീസ്ഗഡ് തെലങ്കാന അതിര്‍ത്തിയില്‍  പന്ത്രണ്ട് മാവോയിസ്റ്റുകള്‍ കൊല്ലപ്പെട്ടു. പ്രത്യേക സുരക്ഷാ സേനയും അന്ധ്ര പൊലീസും ചേര്‍ന്ന് നടത്തിയ സംയുക്ത തിരച്ചിലിലാണ് തെലങ്കാന മാവോയിസ്റ്റ് പാര്‍ട്ടി സെക്രട്ടറി ഹരിഭൂഷണന്‍ എന്ന ജഗന്‍ അടക്കമുള്ളവര്‍ കൊല്ലപ്പെട്ടത്. മാവോയിസ്റ്റുകളുമായുള്ള ഏറ്റുമുട്ടലില്‍ ഒരു പൊലീസുകാരന് ഗുരുതര പരിക്കേറ്റു. മാവോയിസ്റ്റുകളുടെ മൃതദേഹം ഭദ്രാചലം ആശുപത്രിയിലേയ്ക്ക് കൊണ്ടു വന്നു. എന്നാല്‍ കൃത്രിമ ഏറ്റുമുട്ടലാണ് ഉണ്ടായതെന്ന് എഴുത്തുകാരന്‍ വരവര റാവോ ആരോപിച്ചു. നേരത്തെ സിപിഐഎംഎല്‍ ചന്ദ്ര പുല്ല റെഡ്ഡി വിഭാഗവുമായുള്ള ഏറ്റുമുട്ടലിന് പ്രതികാര നടപടിയെന്നാണ് ആരോപണം.