56 ടണ് ഭാരമുള്ള പാലത്തിന്റെ നടുഭാഗം കാണാനില്ല; തകര്ന്നുവീണതല്ല, പിന്നെ എന്ത് സംഭവിച്ചു
Synopsis
നദിക്ക് കുറുകെയായി ഉള്ള ഭീമന് പാലം, പഴക്കമുണ്ടെങ്കിലും ഉറപ്പിന് കുറവില്ലാത്ത പാലത്തിന്റെ നടുഭാഗം ഒരു ദിവസം കാണാതാകുന്നു
മോസ്കോ: നദിക്ക് കുറുകെയായി ഉള്ള ഭീമന് പാലം, പഴക്കമുണ്ടെങ്കിലും ഉറപ്പിന് കുറവില്ലാത്ത പാലത്തിന്റെ നടുഭാഗം ഒരു ദിവസം കാണാതാകുന്നു. എന്നാല് പാലം തകര്ന്ന് വീണതിന്റെ ഒരു ലക്ഷണവും നദിയിലില്ല. ഇതെന്ത് അത്ഭുതമെന്ന് തോന്നില്ലേ...
അതേ അത്ഭുതത്തിലാണ് റഷ്യയിലെ മാന്മാസ്കിലുള്ളവരും. മര്മാന്സ്കിലുള്ള ഉമ്പാ നദിക്ക് കുറുകെയുള്ള പാലമാണ് കാണാതായിരിക്കുന്നത്. 56 ടണ് ഭാരമുണ്ടാകും ഈ ഭാഗത്തിന്. 75 അടിയോളം നീളം വരും കാണാതായ ഭാഗത്തിന്.
തകര്ന്ന് വീണതാകാമെന്ന് കരുതി നടത്തിയ പരിശോധനയില് പാലത്തിന്റെ പൊടി പോലും കണ്ടെത്താനായില്ല. പാലത്തിന്റെ ചിത്രങ്ങള് സാമൂഹിക മാധ്യമങ്ങള് ഏറ്റെടുത്തിരുന്നു. കൃത്യമായ മുറിച്ചെടുത്തത് പോലെയാണ് പാലത്തിന്റെ രണ്ട് ഭാഗങ്ങളും കാണുന്നത്.
സംഭവത്തിന് പിന്നില് മോഷണസംഘമാണെന്നാണ് സംശയിക്കുന്നതെങ്കിലും എങ്ങനെ ഇത്രയും വലിയ ഭാഗം കടത്താന് സാധിക്കുമെന്നാണ് ചോദ്യം. സംഭവത്തില് വിശദമായ അന്വേഷണത്തിന് ഉത്തരവിട്ടിരിക്കുകയാണ് അധികൃതര്.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam