പാകിസ്ഥാൻ നയതന്ത്ര പ്രതിനിധിയെ വിളിച്ചുവരുത്തി താക്കീത് നൽകി ഇന്ത്യ, അതിർത്തിയിലെ നുഴഞ്ഞുകയറ്റം തടയാൻ കർശന നടപടിയും ആവശ്യപ്പെട്ടു

പാകിസ്ഥാൻ നയതന്ത്ര പ്രതിനിധിയെ വിളിച്ചുവരുത്തി ഇന്ത്യ കർശന താക്കീത് നൽകി. ഫിറോസ്പൂർ അതിർത്തിയിൽ പ്രകോപനമില്ലാതെ വെടിവെച്ചെന്ന പാക് ആരോപണം തള്ളിയ ഇന്ത്യ, മയക്കുമരുന്ന് കടത്തുകാരാണ് നുഴഞ്ഞുകയറാൻ ശ്രമിച്ചതെന്നും വ്യക്തമാക്കി

ദില്ലി: പാകിസ്ഥാൻ നയതന്ത്ര പ്രതിനിധിയെ വിളിച്ചുവരുത്തി താക്കീത് നൽകി ഇന്ത്യ. ഫിറോസ്പൂരിൽ അന്താരാഷ്ട്ര അതിർത്തിയിൽ ഇന്ത്യ രണ്ട് നാട്ടുകാരെ വെടിവെച്ചു കൊന്നു എന്ന് പാകിസ്ഥാൻ ആരോപിച്ചതടക്കമുള്ള വിഷയങ്ങളിലാണ് നടപടി. പ്രകോപനമില്ലാതെ വെടിവെച്ചെന്ന പാകിസ്ഥാൻ ആരോപണം ഇന്ത്യ തള്ളികളയുകയും ചെയ്തു. മുന്നറിയിപ്പുകൾ നൽകിയിട്ടും അതിർത്തി വഴി നുഴഞ്ഞു കയറാൻ മൂന്ന് പേർ ശ്രമം നടത്തിയെന്ന് വിദേശകാര്യ മന്ത്രാലയം. മയക്കുമരുന്ന് കള്ളക്കടത്തിനുള്ള നീക്കമാണ് നടന്നതെന്നും ഇന്ത്യ വ്യക്തമാക്കി. നുഴഞ്ഞുകയറ്റം തടയാൻ പാകിസ്ഥാൻ നടപടി സ്വീകരിക്കണമെന്നും ആവശ്യപ്പെട്ടു. താക്കീതുകൾ തുടർച്ചയായി അവഗണിച്ചത് കൊണ്ടാണ് നുഴഞ്ഞു കയറാൻ നോക്കിയവരെ നേരിടേണ്ടി വന്നതെന്നും ഇന്ത്യ വ്യക്തമാക്കി.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം