നെതന്യാഹുവിനെ അധികാരത്തിൽ നിന്ന് പുറത്താക്കാൻ ഇസ്രായേലിൽ പ്രതിപക്ഷ ലയനം: കൈകൊടുത്ത് നഫ്‌താലി ബെന്നറ്റും യാർ ലാപിഡും

ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ അധികാരത്തിൽ നിന്ന് പുറത്താക്കാൻ ലക്ഷ്യമിട്ട് മുൻ പ്രധാനമന്ത്രിമാരായ നഫ്‌താലി ബെന്നറ്റും യാർ ലാപിഡും ഒന്നിക്കുന്നു. ഇരുവരുടെയും പാർട്ടികൾ ലയിപ്പിച്ച് 'ടുഗെദർ' എന്ന പുതിയ പാർട്ടി രൂപീകരിച്ച് നെതന്യാഹുവിൻ്റെ സഖ്യ സർക്കാരിനെതിരെ മത്സരിക്കാനാണ് തീരുമാനം

ടെൽ അവീവ്: ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ അധികാരത്തിൽ നിന്ന് പുറത്താക്കാൻ ലക്ഷ്യമിട്ട് രാഷ്ട്രീയ ലയനം. മുൻ പ്രധാനമന്ത്രിമാരായ നഫ്‌താലി ബെന്നറ്റും യാർ ലാപിഡും തങ്ങളുടെ പാർട്ടികളെ ലയിപ്പിച്ച് ഒന്നിച്ച് മത്സരിക്കാൻ തീരുമാനിച്ചതായി റോയിട്ടേഴ്സ് റിപ്പോർട്ട് ചെയ്യുന്നു. നഫ്‌താലി ബെന്നറ്റിന്റെ 'ബെന്നറ്റ് 2026' , യാർ ലാപിഡിന്റെ 'ദേർ ഈസ് എ ഫ്യൂച്ചർ' എന്നീ പാർട്ടികൾ ലയിച്ച് 'ടുഗെദർ' എന്ന പുതിയ പാർട്ടിയായി മാറും. നഫ്‌താലി ബെന്നറ്റായിരിക്കും ഈ സഖ്യത്തെ നയിക്കുക.

നെതന്യാഹുവിന്റെ സഖ്യകക്ഷി സർക്കാരിനെ വരാനിരിക്കുന്ന തിരഞ്ഞെടുപ്പിൽ പരാജയപ്പെടുത്തുകയാണ് ഇവരുടെ ലക്ഷ്യം. ഇരുവരും ഒന്നിച്ച സഖ്യം 2021-ൽ നെതന്യാഹുവിനെ ഭരണത്തിൽ നിന്ന് പുറത്താക്കിയിരുന്നു. എന്നാൽ 18 മാസം മാത്രമായിരുന്നു ആ സർക്കാരിൻ്റെ ആയുസ്. ഏപ്രിൽ 23-ന് പുറത്തുവന്ന സർവേ പ്രകാരം, നെതന്യാഹുവിന്റെ ലിക്വിഡ് പാർട്ടിക്ക് നേരിയ മുൻതൂക്കമേയുള്ളൂ. നഫ്‌താലി ബെന്നറ്റും യാർ ലാപിഡും ചേരുന്നതോടെ രൂപപ്പെടുന്ന പുതിയ സഖ്യം നെതന്യാഹുവിന് വലിയ വെല്ലുവിളിയാകുമെന്നാണ് വിലയിരുത്തൽ. ഈ നീക്കം ഇസ്രായേൽ രാഷ്ട്രീയത്തിൽ വലിയ മാറ്റങ്ങൾക്ക് വഴിതുറക്കുമെന്നാണ് കരുതപ്പെടുന്നത്.