വാഷിംഗ്ടണിൽ നിന്ന് വന്നു എന്ന് പറയപ്പെടുന്ന ടെലിഗ്രാം വിശകലനം ചെയ്ത ശേഷമാണ് സമിതി ഈ സ്ഥിരീകരണത്തിലേക്ക് എത്തിച്ചേർന്നത്.
ഇസ്ലാമാബാദ്: ഇമ്രാൻ ഖാനെ നീക്കാൻ വിദേശ ഗൂഢാലോചന ഒന്നും തന്നെ നടന്നിട്ടില്ലെന്ന് സ്ഥിരീകരിച്ച് പാകിസ്ഥാൻ ദേശീയ സുരക്ഷാ സമിതി. വാഷിംഗ്ടണിൽ നിന്ന് വന്നു എന്ന് പറയപ്പെടുന്ന ടെലിഗ്രാം വിശകലനം ചെയ്ത ശേഷമാണ് സമിതി ഈ സ്ഥിരീകരണത്തിലേക്ക് എത്തിച്ചേർന്നത്. യോഗത്തിൽ പങ്കെടുത്ത പാകിസ്താന്റെ മുൻ അമേരിക്കൻ അംബാസിഡർ അസദ് മജീദ് ഈ ടെലിഗ്രാമിന്റെ പശ്ചാത്തലവും പ്രസക്തിയും സമിതിക്ക് മുന്നിൽ വിശദീകരിച്ചു. തന്നെ പുറത്താക്കാൻ വിദേശ ഗൂഢാലോചന നടന്നു എന്ന മുൻ പ്രധാനമന്ത്രി ഇമ്രാൻ ഖാന്റെ ആരോപണത്തെ സാധൂകരിക്കാവുന്ന ഒരു തെളിവും ഇതുവരെ കിട്ടിയിട്ടില്ല എന്ന് സമിതി അധ്യക്ഷൻ പ്രധാനമന്ത്രി ഷെഹ്ബാസ് ശരീഫ് പറഞ്ഞു.